Կառավարությունն այսօրվա նիստում արտոնություն տրամադրեց «ԲԱԱՄ ՎԵՆՏՉՐ ԿԱՊԻՏԱԼ» ՍՊԸ-ին:
Մասնավորապես, ՀՀ Կառավարության սահմանած կարգով ընտրված «ԲԱԱՄ ՎԵՆՏՉՐ ԿԱՊԻՏԱԼ» ՍՊԸ-ի կողմից իրականացվող ներդրումային ծրագրի շրջանակներում 2020 թ․ սեպտեմբերի 5-ից մինչև 2021 թ․ դեկտեմբերի 31-ը ներառյալ ներմուծվող ապրանքների մաքսային և հարկային մարմինների կողմից հաշվարկվող ավելացված արժեքի հարկի վճարման ժամկետը հետաձգվեց ներմուծման հայտարարագրման օրվանից հաշված 3 տարի ժամկետով:
Ընկերությունն զբաղվում է բժշկական դիմակների արտադրությամբ։ Մեկ ամսվա ընթացքում նախատեսվում է արտադրել 2-3 մլն հատ դիմակ։ Արտադրանքը իրացվելու է ինչպես ՀՀ տարածքում, այնպես էլ՝ ՀՀ տարածքից դուրս։
Ներդրումային ծրագրի իրագործման արդյունքում՝ երեք տարվա ընթացքում կստեղծվի 35 նոր աշխատատեղ՝ 120 հազար դրամ միջին աշխատավարձով:
