Այսօր առավոտից կառավարության շենքի դիմաց «Ոչ վարկային թալանին» կարգախոսով բողոքի ակցիա իրականացնող քաղաքացիները մինչ այս պահը սպասում էին վարչապետ Նիկոլ Փաշինյան հետ հանդիպմանը:
Նրանք դեռ առավոտյան հայտարարել էին, որ եթե մինչ աշխատանքային օրվա ավարտը չհանդիպեն Փաշինյանին, շարժվելու են վերջինիս տուն՝ փորձելով այնտեղ ստանալ իրենց հարցի լուծումը: Եվ քիչ առաջ, այսպես էլ «չարժանանալով» վարչապետի հետ հանդիպմանը, ակցիայի մասնակիցներից Մանուել Մանուկյանը ևս մեկ անգամ բարձրախոսն ուղղեց Կառավարական շենքի պատերին՝ նշելով, որ վաղ առավոտից հոգնած-տանջված, ծարավ այդտեղ են, բայց և իրենց «կամքն ամուր է»։
Այնուհետև ակցիայի մասնակիցները ոստիկանների ուղեցկությամբ շարժվեցին դեպի կառավարական առանձնատուն։
Արտյոմ Քոսակյան
