Հռոմի պապը սեքսը համարում է աստվածային հաճույք

Հռոմի Ֆրանցիսկոս պապը հայտարարել է, որ ժամանակակից կաթոլիկ եկեղեցին չի դատապարտում ուտելուց կամ սեքսից հաճույք ստանալը, հայտնում է France 24-ը:

«Հաճույքը գալիս է անմիջապես Աստծուց, այն որ կաթոլիկ է, ոչ քրիստոնյա է, ոչ էլ որևէ այլ բան է, այն պարզապես աստվածային է», – ասել է Ֆրանցիսկոսը իտալացի գրող Կառլո Պետրինիին տված հարցազրույցում:

Հայրապետի խոսքով ՝ եկեղեցին միշտ դատապարտել է միայն «անմարդկային, կոպիտ ու գռեհիկ հաճույքը», բայց միևնույն ժամանակ ընդունել է պարզը, մարդկայինն ու բարոյականը:

Հռոմի պապը բացատրել է, որ սեռական հաճույքն անհրաժեշտ է սերը ավելի գեղեցիկ դարձնելու և մարդկային ցեղի պահպանումն ապահովելու համար: Ֆրանցիսկոսը պնդում է, որ այս հարցի հակառակ տեսակետներն ու սխալ մեկնաբանությունները նախկինում «ահռելի վնաս» են պատճառել:

Նյութը՝ esquire.ru, թարգմանություն՝ Կարեն Կոլոսով