Սահմանի կարևորությունը քննարկման ենթարկա չէ՝ ԱԺ ամբիոնից հայտարարեց ՀՀ Տարածքային կառավարման և ենթակառուցվածքների նախարար Սուրեն Պապիկյանը։
«Սահմանում բնակվող մեր հայրենակիցները մեր հենարանն ու թիկունքն են, սա նույնպես չի կարող քննարկման ենթարկա լինել։ Կառավարությունը, վերջին երկու տարիների ընթացքում, ամեն ինչ անում է Հայաստանի Հանրապետության բոլոր համայնքների ու, առավելապես, սահմանապահ համայնքների բնակիչների կյանքն օր առաջ ավելի լավը դարձնելու, ենթակառուցվածքները բարեկարգելու, և, իհարկե նաև, մեր սահմանն ավելի ամուր դարձնելու ուղղությամբ»,- շեշտեց Պապիկյանը։
Վերջինս նշեց, որ ցանկանում է ևս մեկ անգամ հնչեցնել ԱԺ ամբիոնից, որ կառավարությունը հետևողականորեն շարունակելու է այս որդեգրած քաղաքականությունը, և սահմանապահ համայնքների բնակիչները իրենց կեցությամբ, իրենց բարեկեցությամբ պիտի հավասարազոր լինեն այնպիսի հնարավորություններ ունեցող համայքների հետ, ինչպիսիք են Հայաստանի բոլոր հատվածներում գտնվող բնակավայրերը, այդ թվում նաև Երևան քաղաքի կենտրոնում գտնվող բնակիչները։
Նախարարը հիշեցրեց՝ այս մասին Մովսես համայնքում արդեն հայտարարել է վարչապետ Նիկոլ Փաշինյանը, և իշխանությունների բոլոր ջանքերը ուղղվելու են այս նպատակները կյանքի կոչելու համար։
Քրիստինե Հովսեփյան
