Սահմանադրական դատարանում այսօր աշխատանքային նիստի օրակարգում լինելու է Սահմանադրական դատարանի նախագահի և փոխնախագահի ընտրության հարցը։
«Բոլորն էլ իմ գործընկերներն են և տեղին չեմ համարում ո՛չ Հրայր Թովմասյանին, ո՛չ Երվանդ Խունդկարյանին, այսպես ասած, թիրախավորելը: Բոլոր ինը դատավորներն էլ առնվազն տեսականորեն կարող են հավակնել ՍԴ նախագահի պաշտոնին»,- այսօր ՍԴ դատարանի դիմաց լրագրողների հետ զրույցում հարցին՝ թե Հրայր Թովմասյանը և Երվանդ Խունդկարյանը հավակնում են դառնալ Սդ նախագահ, նման միտք հայտնեց ՍԴ դատավորի թեկնածու Էդգար Շաթիրյանը։
Վերջինիս խոսքով՝ որպես ՍԴ նախագահի թեկնածու տարբեր անուններ են շրջանառվում։
Հիշեցնենք, որ Էդգար Շաթիրյանի թեկնածությունը ՍԴ դատավորի թեկնածուի պաշտոնում առաջադրել էր Կառավարությունը։
