Սահմանադրական դատարանում դեռևս քննարկվում է ՍԴ նախագահի պաշտոնում Երվանդ Խունդկարյանի թեկնածությունը, սակայն ՍԴ դատավորների լրագրողներին տրված զուսպ, բայց խոսուն պատասխաններից հասկանալի է դառնում՝ Խունդկարյանի առաջադրման մասով Բարձր դատարանը միակարծիք չէ։ Առնվազն Հրայր Թովմասյանն ու Վահե Գրիգորյանն այդ մասին չեն թաքցնում իրենց դիրքորոշումը։
«Կարծում եմ, որ մենք այլ թեկնածուի կարիք ունենք»,- լրագրողների հետ զրույցում հայտարարեց Վահե Գրիգորյանը։
Իսկ Հրայր Թովմասյանը այսօր կրկին պնդեց՝ «ցանկացած դեպքում նախագահի ընտրությանը չեմ մասնակցի», քանի որ քաղաքական իշխանությունների ազդեցությունն է զգացվում ողջ գործընթացի վրա։
«Երբ ես հասկանամ, որ չկա որևէ ազդեցություն, Սահմանադրական դատարանն ինքնուրույն է այդ ամենն անում, էտ դեպքում կշարունակեմ մասնակցել»,- հայտնեց Թովմասյանը՝ նշելով, որ մեկ թեկնածուի առաջադրումն ինչ-որ բաների մասին է խոսում։
Վերջինիս ունեցած տեղեկություններով՝ քննարկվել է նոր թեկնածուի առաջադրման տարբերակ քաղաքական շրջանակների կողմից, բայց վերջնական կայացված որոշման մասին իրեն դեռ չեն տեղեկացրել։
