ՀՀ Վարչապետի տիկին Աննա Հակոբյանը ֆեյսբուքյան իր էջում գրել է․
«PMA Venture Capital» խմբի հիմնադիր, Մեծ հայրենասեր եւ բարերար Ջորջ Բաղումյանը 1 միլիոն դոլար է նվիրաբերում իմ գլխավորած «Իմ քայլը» հիմնադրամին։
Եթե ասեմ՝ ՇՆՈՐՀԱԿԱԼ ԵՄ, կնշանակի ոչինչ չասացի։
Ուզում եմ պարզապես վստահեցնել, որ այդ գումարն ամբողջությամբ՝ միանվագ ճանապարհով (կախված պատերազմական իրավիճակի հետագա ընթացքից) կամ դրա յուրաքանչյուր ցենտը՝ երկարաժամկետ կտրվածքով, կծախսվի բացառապես ի շահ մեր պետության եւ ժողովրդի։ Եւ ես հաշվետու եմ ծախսված ամեն լումայի համար։
Հ.Գ. Մեծանուն բարերարը հուլիսյան մարտերի օրերին էլ 250 հազար դոլար էր փոխանցել մեզ՝ «զինվորների համար»։ ՀՀ ՊՆ նախարարի հետ ունեցած քննարկումների արդյունքում որոշել ենք, որ այդ գումարը կուղղվի Հայաստանի եւ Արցախի զորամասերում կարեւոր նշանակության վերանորոգման աշխատանքներին։
