Ամերիկահայ միլիոնատեր, համացանցի աստղ Դեն Բիլզերյանը, նրա եղբայր Ադամն ու հայրը՝ Փոլը, «Հայաստան» համահայկական հիմնադրամին 250 հազար դոլար նվիրատվություն կկատարեն:
Բիլզերյանները 2018 թվականին այցելել էին Արցախ, որտեղ հանդիպել էին սահմանին կանգնած զինվորներին։
«Ես շատ հիասթափված եմ, որ Ադրբեջանը որոշել է հարձակվել հայ ժողովրդի վրա։ Սա ահավոր է, երիտասարդ տղաները զոհվում են: Ցավոք, երկիրը պետք է պաշտպանի իրեն, և ժողովուրդը մեկնում է սահման պատերազմելու»,- «USArmenia»-ի ուղիղ երթերում ասաց Փոլ Բիլզերյանը, որի նախնիները Ցեղասպանությունից հետո գաղթել են ԱՄՆ Արևմտյան Հայաստանի Խարբերդ նահանգից։
Փոլ Բիլզերյանն ուղիղ եթերում հայտարարեց, որ ինքը, Դենը և Ադամը, Համահայկական հիմնադրամին ուղարկելու են 250 հազար ԱՄՆ դոլար նվիրատվություն։
2018 թվականի օգոստոսի 27-ին Դեն և Ադամ Բիլզերյանները ստացել էին ՀՀ քաղաքացիություն։
Համահայկական հիմնադրամը դրամահավաք է նախաձեռնել «Մենք ենք, մեր սահմանները. բոլորս Արցախի համար» խորագրով։
