Երևանում մեկնարկած Եվրասիական միջկառավարական խորհրդի նիստի սկզբում Հայաստանի վարչապետ Նիկոլ Փաշինյանն ասել է, որ այն տեղի է ունենում Հայաստանի համար բարդ պայմաններում։
«Երկու շաբաթ է, ինչ Լեռնային Ղարաբաղի եւ Ադրբեջանի շփման գծի ողջ երկայնքով չեն դադարում մարտերը՝ ժամանակակից սպառազինության բոլոր տեսակների կիրառմամբ։ ԼՂ եւ Հայաստանի քաղաքներն ու գյուղերը, քաղաքացիական օբյեկտներն ու ենթակառուցվածքները գտնվում են հրթիռային ու հրետանային կրակի տակ։ Կան մահացածներ ու վիրավորներ, այդ թվում՝ քաղաքացիների շրջանում»,- ասել է Նիկոլ Փաշինյանը։
Հայաստանի վարչապետն ասել է նաեւ, որ չնայած դժվարություններին, «մեր ազգը համախմբված է՝ ինչպես երբեւէ, լի է մինչեւ վերջ պայքարելու վճռականությամբ, պաշտպանելու մեր ազատությունն ու անկախությունը»:
«Ուզում եմ շնորհակալություն հայտնել պատվիրակությունների բոլոր անդամներին՝ այսպիսի ոչ սովորական պայմաններում Հայաստան ժամանելու համար, սա հատուկ գնահատելի է մեզ համար»,- ասել է նա:
