ԱՄՆ-ում Հայաստանի դեսպան Վարուժան Ներսեսյանն ասել է, որ Միացյալ Նահանգները պետք է դադարեցնեն Ադրբեջանին ռազմական օգնության տրամադրումը եւ ավելի մեծ ճնշում գործադրեն Թուրքիայի վրա, որպեսզի վերջինս դադարի միջամտել Լեռնային Ղարաբաղի շուրջ Հայաստանի հետ հակամարտությանը։
Այ մասին նա ասել է The Hill-ին տված հարցազրույցում։
Դեսպանը նշել է, որ աշխատանքներ են տարվում ՀՀ արտաքին գործերի նախարար Զոհրաբ Մնացականյանի այցը Վաշինգտոն կազմակերպելու ուղղությամբ, որը նախատեսված է այս ամսվա ընթացքում։Նշվում է, որ ԱՄՆ-Հայաստան ամենամյա ռազմավարական երկխոսության շրջանակներում անցկացվելիք այցն ու հանդիպումը ԱՄՆ պետքարտուղար Մայք Պոմպեոյի հետ հրատապություն է ստացել ռազմական գործողությունների սրման ֆոնին։
