ՀՀ նախագահի հրամանագրով գնդապետ Ստեփան Գրիգորի Գեւորգյանին շնորհվել է գեներալ-մայորի զինվորական կոչում: Այս մասին հայտնում է նախագահի լրատվական ծառայությունը:
«Հիմք ընդունելով վարչապետի առաջարկությունը՝ համաձայն Սահմանադրության 133-րդ հոդվածի 2-րդ մասի, ինչպես նաև «Զինվորական ծառայության և զինծառայողի կարգավիճակի մասին» օրենքի 16-րդ հոդվածի 1-ին մասի 1-ին կետի.
Հայաստանի Հանրապետության զինված ուժերի գլխավոր շտաբի օպերատիվ գլխավոր վարչության պետի առաջին տեղակալ, գնդապետ Ստեփան Գրիգորի ԳԵՎՈՐԳՅԱՆԻՆ շնորհել գեներալ-մայորի զինվորական կոչում»,- ասված է նախագահի հրամանագրում:
Հիշեցնենք, որ երեկ ՊՆ ներկայացուցիչ Արծրուն Հովհաննիսյանը ֆեյսբուքյան իր էջում տեղեկացրել էր, որ գնդապետ Ստեփան Գևորգյանը այս պատերազմի լեգենդներից է:
