Վարչապետ Նիկոլ Փաշինյանը հորդորել է Իսրայելի իշխանություններին Հայաստանին հումանիտար օգնություն ուղղելու փոխարեն, այն փոխանցել «ահաբեկիչներին ու վարձկաններին», որոնց զինում է Իսրայելը։
Հայտնի է, որ Իսրայելից հայ դեսպանի հետկանչից հետո, Փաշինյանին է զանգահարել Իսրայելի նախագահ Ռեուվեն Ռիվլենը և առաջարկել է հումանիտար օգնություն տրամադրել։
«Հումանիտար օգնություն մի երկրից, որն ահաբեկիչներին զե՞նք է վաճառում, և որն օգտագործվում է խաղաղ քաղաքացիական հասարակության դե՞մ։ Ես առաջարկում եմ Իսրայելին այդ օգնությունն ուղղել վարձկաններին ու ահաբեկիչներին՝ որպես իր ծավալած գործունեության տրամաբանական շարունակություն»,- ասել է Փաշինյանը Jerusalem Post-ին տված հարցազրույցում։
Վարչապետը հարցազրույցում Իսրայելին ակտիվ հակամարտող կողմ է որակել, քանի որ իսրայելական ԱԹՍ-ներն ակտիվորեն կիրառվում են Ղարաբաղում։
«Իսրայելը պետք է ինքն իրեն հարցնի՝ արդյոք չի՞ պատերազմում նա դե-ֆակտո վարձկանների հետ Լեռնային Ղարաբաղում։ Սա հարմա՞ր դիրքորոշում է նրա համար։ Եթե այո, ապա Աստված իրենց հետ։ Բայց ես կարծում եմ, որ կլինեն կոնկրետ հետևանքներ, և ձեր պետությունը ստիպված կլինի բախվել այդ հետևանքներին», – ամփոփել է Նիկոլ Փաշինյանը։
Քրիստինե Հովսեփյան
