Վերջին երկու տարում ավելի շատ նորարարական, տեխնոլոգիական ժամանակակից զենք է մտել բանակ, քան՝ վերջին 10 տարում: Բոլորը գիտեն դրա մասին:
2016 թվակնից հետո մեր մոտ հարցեր են բարձրացել, որ պետք է զինվել, և 2018-19 թթ ավելի շատ ենք զինվել, քան երբևէ:
Այս մասին ՀՀ ՊՆ ներկայացուցիչ Արծրուն Հովհաննիսյանը հայտարարել է Հանրային հեռուստաընկերության հաղորդման շրջանակներում՝ պատասխանելով հարցին, թե Ադրբեջանը վերջին մեկ տարում է «Բայրաքթարներ» ձեռք բերել, իսկ Հայաստանը վերջին մեկ տարում հակագործիքներ ինչու ձեռք չի բերել:
«Նախ Ադրբեջանը վերջին մեկ տարում չի զինվել: 2013, 2014, 2015 թվականներին Ադրբեջանը մեծ տեղ է տվել ԱԹՍ-ներին, հիմնականում իսրայելական, գործարաններ բացեցին, փորձարկումներ արեցին, բայց շատ դեպքերում չհասնելով հաջողությունների, մասնավարապես 2020 թվականի ամռանը խայտառակ լինելով Տավուշում, էդքան ծախսից հետո, էդքան քանակ ձեռք բերելուց հետո, հապճեպ կարգով Թուրքիայի հետ կնքեցին պայմանագրեր: Մենք ունենք դրանց ապացույցները, խոցված բայրակթարների արտադրության ամիսը օգոստոս-սեպտեմբերն է:
Սա նշանակում է, որ Ադրբեջանն իր խայտառակությունից հետո դիմեց Թուրքիային, բերեցին թուրքական ԱԹՍ-ների քանակ, պահելով նաև իսրայելականը:
Ես վստահ եմ նաև, որ զուտ գնում էլ չի եղել, այսինքն միայն վճարովի ծառայություն չէ, որ Թուրքիան մատուցել է, այլ առանց դրա բերվել են «Բայրաքթարներն» ու օգտագործվել են, և ոչ միայն դրանք:
Այսինքն մենք տեսնում ենք այս մի քանի ամիսների ընթացքում ահռելի միջոցների ներդրում, որպեսզի տեխնոլոգիական առավելությունը լինի իրենց կողմը:
Հիմա, եթե մեզ ասում են ինչու համարժեք միջոց չեք ձեռնարկել. հարգելիներս նման սպառազինությունն արժի շատ լուրջ գումար: Զուտ համեմատության համար բերեք նայենք, թե տասնյակ տարիներ Ադրբեջանն ինչ բյուջե է դրել Զինված ուժերի վրա, մենք ինչ բյուջ ենք դրել:
Ընդ որում, եթե դուք էսպես տանում եք վերջին տարին, վերջին երկու կամ երեք տարին, ասեմ, որ վերջին երկու տարում ավելի շատ նորարարական, տեխնոլոգիական ժամանակակից զենք է մտել բանակ, քան՝ վերջին 10 տարում: Միայն 2018, 2019, 2020 թվականների ընթացքում, բոլորը գիտեն դրա մասին»,-ընդգծել է Հովհաննիսյանը:
