Ծանր մարտեր են ընթանում, որպեսզի Շուշին դիմակայի, մնա կանգուն․ Արծրուն Հովհաննիսյան

Նոյեմբերի 7-ին Միասնական տեղեկատվական կենտրոնում ՊՆ ներկայացուցիչ Արծրուն Հովհաննիսյանն ասաց, որ մարտական գործողություններ են ընթանում Շուշիի մերձակայքում ու ճանապարհներին։

«Ես երեկ ասացի, որ պաշտպանեցինք Շուշին, բայց հակառակորդը մեծ ուժեր ներգրավելով՝ շարունակում է Շուշին գրավելու իր պլանները։ Այս պահին մեր զորքը համառորեն դիմադրում է` հասցնելով մեծ վնասներ, որ Շուշին մնա կանգուն»,- մանրամասնեց Հովհաննիսյանն ու շեշտեց՝ մարտեր են նաև Քարինտակի ու Լիսագորի հատվածներում։

ՊՆ ներկայացուցչի խոսքով՝ Հակառակորդը Մարտունիի ուղղությամբ ևս հարձակում է ձեռնարկել, սակայն կորցնելով մի քանի զրահատեխնիկա՝ հետ է շպրտվել ելման բնագծեր։

Անդրադառնալով Բերձորում իրավիճակին, Հովհաննիսյանը նշեց. «Բարձորից հարավ փորձել են առաջ գալ, կորուստներ են կրել, մեր ստորաբաժանուներին հաջողվել է նույնիսկ բարելավումներ ունենալ»։