ՀՀ վարչապետն այսօր՝ ուղերձի ժամանակ, անդրադառնալով ստորագրված փաստաթղթի բովանդակությանն, ասաց, որ լուրեր են տարածվում Մեղրին հանձնելու մասին, ինչը բացարձակ անհեթեթություն է․
«Խոսքն ընդամենը տարածաշրջանի տրանսպորտային ուղիներն ապաշրջափակելու մասին է, այդ թվում՝ Ադրբեջանից Նախիջևան, բայց սա նշանակում է, որ պետք է ապաշրջափակվեն նաև Երևանից Նախիջևանով Սյունիք տանող տրանսպորտային ուղիները, այդ թվում՝ Հայաստանի երկաթուղային հաղորդակցությունը՝ Իրանի հետ, ինչը էական նշանակություն կարող է ունենալ մեր երկրի տնտեսության հետագա զարգացման գործում»,- ասաց Նիկոլ Փաշինյանը:
