Ազգային ժողովը երկրորդ ընթերցմամբ և ամբողջությամբ ընդունեց Ազգային ժողովի «Իմ քայլը» խմբակցության պատգամավոր Մխիթար Հայրապետյանի ներկայացրած «Զինվորական ծառայության և զինծառայողի կարգավիճակի մասին» ՀՀ օրենքում լրացումներ կատարելու մասին նախագիծը։
Նախագծով, հիշեցնենք, առաջարկվում է պահպանել մարտական գործողությունների և զինվորական ծառայության ընթացքում գերության մեջ հայտնված պայմանագրային զինծառայողների, պահեստազորի զինվորականների, մոբիլիզացիոն ռեսուրսի պաշտոնային դրույքաչափը և հնարավորություն տալ նրանց ընտանիքներին ստանալ այն գումարները, որոնք նախկինում ստացել են։ Բացառություն են այն դեպքերը, երբ գերության մեջ հայտնվելու պատճառը են եղել ոչ իրավաչափ գործողությունները՝ զորամասը կամ մարտական դիրքերը ինքնակամ լքելը։
