Սաթիկ Սեյրանյանի հնչեցրած այն հարցին, թե ինչպես է ԳՇ նախկին պետը գնահատում վարչապետ Նիկոլ Փաշինյանի կարողությունները՝ որպես գերագույն հրամանատարի, ինչպիսին են վարչապետի՝ իրավիճակը սթափ գնահատելու ունակությունները, Արտակ Դավթյանը պատասխանեց․
«Ես միանշանակ գնահատական չեմ տալու իմ ղեկավարին, ես կարող եմ ասել միայն, որ ԳՇ պետ եղած ժամանակ հարցերի մեծ մասը, որոնք ես բարձրացրել եմ և կարող էին լուծվել դրանք կարճ ժամանակում, ստացվել է լուծել։ Կոնկրետ օրինակներով կարող եմ ասել։ Ունեցել ենք բանակաշինության հետ կապված տարաձայնություններ ՊՆ նախարարի հետ, ընդունվել են որոշումներ, որոնք ինձ չեն բավարարել, բայց վերադասն ընդունել է որոշում, ես կատարել եմ տվյալ որոշումները։ Եղել են այդպիսինները, և ես դա համարում եմ բնական աշխատանքային երևույթ։ Այնպես չէ, որ ես ինչ որոշեցի, պետք է բոլորը կատարեն կամ չկատարեն։ Իսկ ինչ վերաբերում է որոշումներ տալուն կամ չտալուն, ես կմնամ զերծ գնահատականներ տալուց։ Ես, որպեսզի տամ գնահատականներ իմ վերադասին, ես պետք է տիրապետեմ ամբողջ տեղեկատվությանը, որն ինքը ստանում է։ Հարցեր կան, որոնք պետք է հստակեցվեն, Վլադիմիր Պուտինի հարցազրույցը հարցեր է առաջացնում, բայց ինձ չի բավարարում տեղեկատվությունը գնահատականներ տալու համար»։
Քրիստինե Հովսեփյան
