Ֆրանսիայի ԱԳՆ-ն հայտարարել է, որ չի ճանաչում Լեռնային Ղարաբաղի անկախությունը
Ֆրանսիան չի ճանաչում ինքնահռչակ Լեռնային Ղարաբաղի Հանրապետությունը. հայտարարել է Ֆրանսիայի ԱԳՆ ներկայացուցիչը։
Ֆրանսիայի Սենատը չորեքշաբթի երեկոյան ձայների բացարձակ մեծամասնությամբ բանաձև էր ընդունել՝ կոչ անելով երկրի կառավարությանը ճանաչել Լեռնային Ղարաբաղը։ Դրա հետ մեկտեղ Ֆրանսիայի ԱԳՆ-ին առընթեր պետքարտուղար Ժան Բատիստ Լեմուանը բանաձևի քննարկման ժամանակ հայտարարել է, որ Ֆրանսիայի կողմից Լեռնային Ղարաբաղի անկախության միակողմանի ճանաչումը ոչ ոքի օգտին չէ և չի օգնի խաղաղ գործընթացի առաջմղմանը:
«Քվեարկությանը նախորդած բանավեճերի ժամանակ (Սենատում) զբոսաշրջության հարցերով պետական քարտուղար Ժան Բատիստ Լեմուանը հիշեցրել է այդ հարցի վերաբերյալ Ֆրանսիայի կառավարության դիրքորոշումը. «Ֆրանսիան չի ճանաչում ինքնահռչակ Լեռնային Ղարաբաղի Հանրապետությունը», – ասված է ԱԳՆ ներկայացուցչի հայտարարության մեջ:
Նա նաև ընդգծել է, որ Ֆրանսիայի պատասխանատվությունը, որպես ԵԱՀԿ Մինսկի խմբի համանախագահ, նրանում է, որ աշխատի Լեռնային Ղարաբաղի հակամարտության կարգավորման շուրջ բանակցությունների միջոցով, մասնավորապես, Լեռնային Ղարաբաղի ապագա կարգավիճակի հարցով:
«Այդ բանակցությունների ելքը չի կարող որոշվել նախապես և միակողմանի կարգով»,- նշել է ֆրանսիական գերատեսչության ներկայացուցիչը:
«Մեր առաջնահերթությունն այսօր պետք է լինի վերջին շաբաթների ընթացքում հակամարտության հետևանքով տեղահանված անձանց անվտանգ վերադարձի ապահովումը։ Սենատին ուղղված իր ուղերձում պետքարտուղարը նաև նշել է, որ ոչ մի պետություն դեռ չի ճանաչել Լեռնային Ղարաբաղը», – ասել է ԱԳՆ ներկայացուցիչը:
«Ֆրանսիան, հավատարիմ մնալով խաղաղության հասնելու իր պարտավորություններին, նախկինի պես լի է Լեռնային Ղարաբաղի հակամարտության կայուն կարգավորման հասնելու վճռականությամբ՝ հաշվի առնելով տարածաշրջանի ժողովուրդների անվտանգության պահանջներն ու արժանապատվությունը», – նշել է նա:
ԱԳՆ ներկայացուցիչն ընդգծել է, որ Ֆրանսիան կշարունակի անել իրենից կախված ամեն ինչ Հարավային Կովկասում իրավիճակի կայունացման համար։ Այն ներգրավված կմնա Մինսկի խմբի համանախագահության շրջանակներում ՝ առաջ շարժվելու բոլոր այն կետերով, որոնք դեռ պետք է համաձայնեցվեն նոյեմբերի 9-ին կնքված հրադադարի մասին պայմանագրից հետո, մասնավորապես, հակամարտության ընթացքում ներգրավված օտարերկրյա վարձկանների հեռանալու կամ տարածաշրջանի պատմական ու մշակութային ժառանգության պաշտպանության հարցում։
Նա նաև հիշեցրել է Լեռնային Ղարաբաղի բնակչությանը մարդասիրական օգնություն ցուցաբերելու Ֆրանսիայի համակարգված գործողությունների մասին:
Recent Posts
Մոսկվան ու Երևանը բանակցություններ կսկսեն ՀՀ-ի երկաթուղիների երկու հատվածի վերականգնման շուրջ. Օվերչուկ
Մոսկվան ու Երևանը բանակցություններ կսկսեն Հայաստանի երկաթուղիների երկու հատվածի վերականգնման շուրջ, որոնք կապված են Ադրբեջանի…
Օդի ջերմաստիճանը կբարձրանա 5-8 աստիճանով
Փետրվարի 13-ի գիշերը և առավոտյան հանրապետության առանձին ավտոճանապարհներին սպասվում է մերկասառույց։ Փետրվարի 13-15-ին գիշերը և…
Վրաստանը սահմանափակում է հին մեքենաների ներմուծումը
Վարչապետ Իրակլի Կոբախիձեն հայտարարել է վեց տարուց ավելի առաջ արտադրված մեքենաների ներմուծման արգելքի մասին: Համապատասխան…
Մխիթարյանը կլինի երիտասարդացող «Ինտերի» միակ բացառությունը
«Ինտերի» սեփականատերերը պատրաստ են թույլ տալ ակումբի ղեկավարությանը՝ նոր պայմանագիր առաջարկել Հենրիխ Մխիթարյանին։ Ըստ իտալական…
Ուրախ էինք Հայաստանում ողջունել ամերիկյան տեխնոլոգիական ընկերությունների ղեկավարներին. ՀՀ-ում ԱՄՆ դեսպանություն
ՀՀ-ում ԱՄՆ դեսպանությունից հայտնում են, որ ԱՄՆ փոխնախագահ Ջեյ Դի Վենսի Հայաստան կատարած պատմական այցին…
Սիրելինե՛րս, դուք սկսել եք «Մահ կամ ազատություն»-ից, ավարտել 004 շրջաբերականով. Ռուբինյանը՝ ՀՅԴ-ին
Քննարկում ենք ըստ երևույթին երկու փոխկապակցված հարց, որոնք տարօրինակ կերպով փոխկապակցվել են այսօր՝ Հեռուստատեսության և…