Կաթվածահար է եղել Երևանի մետրոպոլիտենի բնականոն երթևեկությունը
«Հարգելի՛ ուղևորներ,
քաղաքացիական անհնազանդության ակցիաների շրջանակում կաթվածահար էր եղել Կարեն Դեմիրճյանի անվան Երևանի մետրոպոլիտենի բնականոն երթևեկությունը։
Մետրոպոլիտենի «Գործարանային» կայարանում քաղաքացիները իրականացրել են անհնազանդության ակցիա՝ խափանելով մետրոպոլիտենի երթևեկությունը։
Այս պահին մետրոպոլիտենը փակ է։ Բնականոն աշխատանքին անցնելուն պես կտրվի լրացուցիչ ինֆորմացիա»,- ասված է Երևանի մետրոպոլիտենի հրապարակած հայտարարությունում։
Ավելի վաղ հայտնել էինք՝ ցուցարարները Երևանում փողոցներ են փակել՝ պահանջելով ՀՀ վարչապետի հրաժարականը:
