ԱԺ-ն այսօր ընդունեց «ՀՀ 2021 թ. պետական բյուջեի մասին» օրենքի նախագիծը. կողմ քվեարկեց 84 պատգամավոր, դեմ՝ 14-ը: Կողմ էին «Իմ քայլը» խմբակցության պատգամավորները, իսկ ընդդիմադիր «Լուսավոր Հայաստան» խմբակցությունը դեմ քվեարկեց: Ընդդիմադիր մյուս խմբակցությունը՝ «Բարգավաճ Հայաստանը», բոյկոտում է ԱԺ նիստը:
Հիշեցնենք՝ 2021թ. ՀՀ պետական բյուջեի համար նախատեսվում է 1 տրիլիոն 569 միլիարդ դրամ եկամուտներ, նախատեսվող ծախսերի չափը 1 տրիլիոն 843 միլիարդ դրամ է: ՀՀ պետական բյուջեի դեֆիցիտը կազմելու է 274 միլիարդ դրամ:
