Մեծ Բրիտանիայի թագուհին դեմ է Թուրքիայի՝ ԵՄ անդամ դառնալուն. Daily Express

Մեծ Բրիտանիայի թագուհի Եղիսաբեթ 2-րդը դեմ է, որ Թուրքիան դառնա ԵՄ անդամ։ Թագուհին բողոքել է այն փաստից, որ ԵՄ-ն «ահավոր մեծ» է դառնում, այս մասին հայտնում է express.co.uk-ը։

Պարբերականը գրում է՝ «Եղիսաբեթ լուռ» մականունը ստացած՝ պատմության մեջ ամենաերկարակյաց միապետը, կարծես թե, առնվազն զերծ է կուսակցական կարծիքներից և քաղաքկան մեկնաբանություններից: Նա չի քվեարկում և չի ընտրվում, բայց ունի կարևոր արարողակարգային և պաշտոնական դեր, ինչն առնչություն ունի երկրի կառավարության հետ։ Սակայն, բոլորի նման, թագուհին ունի իր սեփական տեսակետներն ու հետաքրքրությունները:

Հեղինակ և հաղորդավար Ջոան Սմիթը, որն այդ ժամանակ ներկա էր Եվրոպայի հետ հարցերով նախկին պետնախարար Դենիս Մաքշեյնի հետ հանդիպմանը, հայտնում է, թե որքան ուրախ էին մարդիկ թագուհու այցի կապակցությամբ: Բայց այդ ժամանակ թագուհին դիմել է խմբից մեկ այլ անձի և ասել. «ԵՄ-ն ահավոր մեծանում է 28 երկրներով»։

«Նրան ասացին, որ իրականում երկրների թիվը 27-ն էր, և որ հուսով են, որ Թուրքիան ևս շուտով կմտնի Միության կազմի մեջ, որին ի պատասխան, թագուհին ասել. «Օ՜, մենք չենք ուզում, որ Թուրքիան երկար ժամանակ գա»,- վերհիշել է Սմիթը։

ԶԼՄ-ն նշում է՝ Բուքինգեմյան պալատը հրաժարվել է որևէ մեկնաբանություն տալ դեպքի առնչությամբ, բայց պալատականներից մեկը Telegraph-ին ասել է․ «Չնայած այն բանին, որ անհավանական չէ, որ Նորին Մեծությունը նման տեսակետ հայտնած լինի, հնարավոր է նաև, որ նրա խոսքերը դուրս են բերվել ընդհանուր համատեքստից։ Թագուհին լավ հարաբերություններ ունի Թուրքիայի հետ»։