Ժամկետային զինծառայողների ծնողները և հարազատները բողոքի ակցիա են իրականացնում Վազգեն Սարգսյան ռազմական ինստիտուտի դիմաց։ Նրանք հայտարարում են, որ իրենց զավակներին քաղաքացիական հագուստով տեղափոխում են Ստեփանակերտ։ Ծնողները նշում են, որ զինվորներին ուղեկցում են քաղաքացիական հագուստով սպաներ, ինչը կասկածներ է առաջացնում, նաև իրենք չունեն որևէ երաշխիք, որ կապահովվի իրենց զավակների անվտանգությունը։
Ակցիայի մասնակիցները դեմ են, որ զինծառայողներին կրկին ուղարկեն Արցախ՝ մատնանշելով նոյեմբերի 9-ին ստորագրված եռակողմ հայտարարությունից հետո տեղի ունեցած գերեվարումները և զինադադարի խախտումները։
Քրիստինե Հովսեփյան
