Հունվարի 28-ին՝ Հայոց բանակի օրվան նվիրված ավանդական՝ մեծ տոնական հանդիսություններ չեն լինելու։ Լրատվամիջոցի հետ զրույցում այս մասին հայտնել են ՀՀ ՊՆ տեղեկատվության եւ հասարակայնության հետ կապերի վարչությունից։
«Միջոցառումներ տեղի են ունենալու միայն զորամասերում եւ զորամիավորումներում»,- հայտնեցին նախարարությունից։
Բարձրաստիճան պաշտոնյաների այց Եռաբլուր նախատեսված է, թե ոչ, դեռ հայտնի չէ. ՀՀ վարչապետի մամուլի խոսնակ Մանե Գեւորգյանը ՀԺ-ի հարցին ի պատասխան՝ ասաց. «Այդ օրվա օրակարգը դեռեւս հաստատված կամ վերջնակնացված չէ, երբ վերջնականացվի, կտեղեկացնեմ»։
Նշենք, որ Հունվարի 28-ին Հայոց բանակի կազմավորման 29-րդ տարեդարձն է։
