«Հանուն Հանրապետության» ԺՊԴ կուսակցության Ղեկավար Մարմինը հայտարարություն է տարածել, որը ներկայացնում ենք ստորև.
«Հանուն Հանրապետության» կուսակցությունը հաստատում է իր համոզումը, որ արտահերթ խորհրդարանական ընտրությունները չունեն այլընտրանք Հայաստանում ստեղծված քաղաքական ճգնաժամի հաղթահարման ճանապարհին։
Վերահաստատում ենք մշտապես բարձրաձայնված մեր մոտեցումն այն մասին, որ անհրաժեշտ է ոլորտային՝ այդ թվում դատաիրավական հիմնարար մի շարք բարեփումներով երկիրը նախապատրաստել արտահերթ խորհրդարանական ընտրություններին։
Մարգինալ և ծայրահեղական ուժերի դիրքորոշմամբ արտահերթ ընտրություններ անցկացնելու մտադրությունից հրաժարվելու վերաբերյալ իշխող ուժի դիրքորոշումը համարում ենք ոչ ավելին քան այսրոպեական մարտավարական քայլ։
Արտահերթ ընտրություններ լինելու են և «Հանուն Հանրապետություն» կուսակցությունը ակտիվորեն միայնակ կամ այլ քաղաքական գործընկերների հետ մասնակցելու է դրանց։
