Վերջին շրջանում վարորդները սկսել են դժգոհել Երևանի ճանապարհների ասֆալտապատման որակից, նշում են, որ ճանապարհների վերանորոգման աշխատանքներ իրականացնելիս անբարեխիղճ ասֆալտապատողների պատճառով կարճ ժամանակ անց դրանք կրկին ունենում են վերանորոգման կամ փոսային լցումների կարիք։
Նկատենք, որ ներկայիս իշխանությունների առաջնահերթություններում միշտ կարևորվել է ճանապարհաշինությունը, դրանց հիմնանորոգումը և տարբեր ճանապարհահատվածներում եղած խնդիրների վերացումը։
Հատկանշական է, որ նույնիսկ համավարակը չի խանգարել հետևողականորեն ճանապարհաշինական աշխատանքներ կատարելու համար, ուստի մտահոգիչ են վարորդների կողմից հնչող դժգոհությունները և առաջանում են հարցեր առ այն, թե ովքե՞ր են պատասխանատու անորակ կատարված աշխատանքի համար, արդյո՞ք պատշաճ ուշադրություն է դարձվում որակի վերահսկմանը և թերությունների շտկմանը։