Լկտի, անամոթ, սրբապիղծ սուտ է․Նաիրա Զոհրաբյան

ԱԺ «Իմ քայլը» խմբակցության պատգամավոր Նազելի Բաղդասարյանը Առաջին.am- ի հետ զրույցում, անդրադառնալով Ադրբեջանում պահվող հայ ռազմագերիների թեմային, նշել է՝ անցած շաբաթ գերիների մի խումբ պետք է հայրենադարձվեր, սակայն,  ներքաղաքական լարված իրավիճակով պայմանավորված, ադրբեջանական կողմը հետաձգել է գերիների վերադարձը։ Սա է նաև պատճառ հանդիսացել, որ գերիների հարազատները փակել են Շիրակի մարզպետարանի մուտքը։

Իհարկե, տարօրինակ կլիներ, որ այսպիսի ակնհայտ մեղադրանք պարունակող հայտարարություններին չհակադարձեին Բաղրամյանում խրամատավորված 16 կուսակցությունների ճամբարից։ Դիցուք՝ Նաիրա Զոհրաբյանը  «լկտի, անամոթ, սրբապիղծ սուտ» է որակել այսպիսի հայտարարությունները և կոչ է արել չտրորել «Ալիևի մոտ պատանդառված տղաների ծնողների ցավն ու վիշտը», և գերեվարված տղաների անունները չշահարկել։

«Լսի՛ր, կին, չհամարձակվես քո ու քո նմանների իշխանությունը ծամոնի նման մի քիչ էլ ձգելու համար, գերության մեջ գտնվող մեր տղաների անունը շահարկել, չհամարձակվե՛ս Ալիևի մոտ պատանդառված տղաների ծնողների ցավն ու վիշտը ձեր անամոթ ու սրբապիղծ իշխանության ղումարբազությամբ մանիպուլացնել»,- գրել է պատգամավորը իր Facebook-յան էջում։

Քրիստինե Հովսեփյան