Այս փուլում կարող ենք գնահատել, որ ջրամբարների լցվածության մակարդակն առնվազն բավարար է՝ Կառավարության այսօրվա նիստին նշեց տարածքային կառավարման և ենթակառուցվածքների նախարար Սուրեն Պապիկյանը՝ հավելելով, որ միակ խնդիրը Ախուրյանի ջրամբարում է:
«Միակ խնդիրն այս պահին Ախուրյանի ջրամբարում է՝ պայմանավորված հարևան երկրում ջրամբարների կառուցմամբ և ջրի ծավալների օգտագործմամբ: Միևնույն ժամանակ պետք է նշենք, որ ձնհալ հիմնականում տեղի չի ունեցել, ձյան պաշարները բավականին շատ են, և կանխատեսումներն այնպիսին են, որ ջրի խնդիր այս տարի քիչ կունենանք»,- նշեց Պապիկյանը:
Վարչապետ Նիկոլ Փաշինյանն էլ հավելեց՝ պետք է կարողանանք պատշաճ կառավարում ապահովել, որ ջուրը նախ կուտակվի, հետո էլ պատշաճ ձևով հասնի գյուղացիներին, քանի որ գյուղատնտեսական տարվա ազդակներն այս պահի դրությամբ դեռևս բավականին լավ են:
