Ալեն Սիմոնյանի խոսքով՝ ՔՊ-ի ընտրական ցուցակում հնարավոր է ընդգրկվեն նոր մարդիկ

ՀՀ ազգային ժողովի փոխնախագահ Ալեն Սիմոնյանը չի բացառում, որ սպասվող ընտրություններին «Քաղաքացիական  պայմանագիր» կուսակցության ցուցակում կընդգրկվեն նոր մարդիկ:

«Նախընտրական բոլոր աշխատանքները կատարվում են, թե՛ Երևանում, թե՛ մարզերում աշխատանքները սկսել ենք»,- ԱԺ-ում լրագրողների հետ զրույցում ասաց Սիմոնյանը:

«Մեր գործընկերների մեծ մասը, ամենայն հավանականությամբ, շարունակելու են իրենց աշխատանքը: Մի մասը կարող է գործադիրում շարունակել: Բայց մեր թիմը, որը կուռ մնաց այս ցնցումներից հետո, շարունակելու է միասին աշխատել»,- նշեց Սիմոնյանը:

Թե ցուցակում ովքեր կլինեն, նա նշեց, որ կոնկրետ որևէ մեկի անունը տալ չի կարող: «Բայց նաև չեմ բացառում, որ կարող են նոր մարդիկ լինել մեր ցուցակում»,- նշեց Սիմոնյանը: