ԱԺ «Իմ քայլը» խմբակցության պատգամավոր Սիփան Փաշինյանը ֆեյսբուքյան իր էջում գրել է.
Տավուշի մարզի ջրօգտագործման ոլորտը մեկ տարի է ինչ ամբողջ ծավալով աշխատում է: Մինչ այդ օգտագործվել է Խորհրդային միությունից ժառանգություն մնացածը, որն էլ իր հերթին էր թալանվել: Ավտոմեքենաներ կային բալանսում հաշվառված, որոնց շատ քիչ մասը կարելի էր գտնել ընդհանրապես, այն էլ տարբեր մարդկանց բակում «շպրտած» ու անսարք:
Այս ոլորտի մասին անդադար կարելի է խոսել` անտեսված և թալանված մի ոլորտ, որը գյուղատնտեսության անոթային համակարգն է, առանց որի գյուղատնտեսություն ունենալ ուղղակի անհնար է: Այստեղ չափազանց ցածր վարձատրվող աշխատակիցները (պետ, տեղամասերի պետեր), որոնք փոխվել են վերջին մեկ տարում, քրտնաջան աշխատել և աշխատում են, մեծ հաշվով, գաղափարի համար: Նյութատեխնիկական մասի ապահովման համար էլ ես եմ խնդրում բարերար գործարարներին:
Մոտ ապագայում կներկայացնեմ` ինչ ահռելի առաջնթաց կա, թե ինչքան չջրվող տարածքներ են արդեն ջրվում, թե նախկին քանի պաշտոնյայի ՀԷԿ-երի պաճառով ջուր չէին տալիս աչքաթող արած սովետական միությունից ժառանգած ջրագծերով և այսպես շարունակ:
