Մեր գործընկեր Արմինե Գևորգյանը ֆեյսբուքյան իր էջում անդրադարձել է Արեն Մկրտչյանի՝ արվեստագետներին հարկելու մասին օրենքի վերաբերյալ գրառմանը։ Նա մասնավորապես գրում է․
«Երեկ ուշ երեկոյան, երբ կարդացի Արեն Մկրտչյանի ստատուսը, ուղղակի խոսքեր չէի գտնում արտահայտվելու: Կներեք, բայց սա պատգամավորի բառապաշար չէ: Մարդկանց վիրավորել, խոսել նրանց հետ այս տոնով ու նման բառապաշարով և ինչի՞ համար: Տպավորություն է, թե հանցագործների մասին է խոսքը, կատարած հանցանքն էլ հեչ ապացուցելու կարիք չունի։ Ի՞նչու եք ծաղրում նրանց աշխատանքը, ո՞վ է ձեզ այդ իրավունքը տվել: Եթե արտիստները կամ շոուբիզնեսի այլ ներկայացուցիչները խուսափում են հարկերից ու չեն վճարում, դրա համար կա օրենք ու կարգ, թող հստակ սահմանվի ու մարդիկ էլ վճարեն, իսկ չվճարողներն էլ օրենքի առաջ պատասխան տան։ Ոչ թե գրել ու ասել՝ գնացեք, առանց թփրտալու վճարեք: Մատ թափ տալու իրավունքն էլ պիտի մարդ վաստակի ու ինքն էլ երկրի համար մի բան ստեղծած լինի, որ խոսելու տեղ ունենա։ Իհարկե, նրանցից շատերը և հենց արժեք ստեղծողները, չեն հրաժարվում վճարել, իմ ճանաչած մարդիկ գոնե՝ հաստատ: Ու պետք չէ այնպիսի պատկեր ստեղծել, որ արվեստագետները մեր երկրի չուզողներն են, իրենք էլ դարձի են բերում: Առավել ևս, չի կարելի արվեստի մարդուն քաղաքական պիտակ կպցնել․ երգիչը երգել է ու պիտի երգի բոլոր ժամանակներում, նրա ունկնդիրը ժողովուրդն է, իսկ քաղաքական գործիչներն իրենք են ընտրում՝ ում լսեն, ում նվագի տակ պարեն։ Ում էլ որ չեն հավանում, պիտակավորելու բնավ իրավունք չունեն, անկախ իրենց կարգավիճակից։ Քաղաքական փուլերն ու անձինք գալիս ու գնում են, արվեստի մարդիկ ու գործերը՝ մնում։ Քաղաքական ամբիոնները մի շփոթեք մշակութային բեմերի հետ:
Խոսքը այս ստատուսի մասին է»։
Ստորև՝ Արեն Մկրտչյանի գրառումը՝
——————————————————————————-
Ստորև՝ Արմինե Գևորգյանի գրառումը
