Ռուսաստանը կարող է ավելի շուտ ձգտել պահպանել ԼՂ հակամարտությունը, քան լուծել այն
Նախօրեին Փաշինյան – Պուտին հանդիպման ժամանակ ՌԴ նախագահը իր խոսքում ընդգծեց, որ քննարկումների առանցքային՝ «ամենաակտուալ և ամենասուր խնդիրը Լեռնային Ղարաբաղում և նրա շուրջ իրավիճակի կարգավորման հարցն է»։ Այսպիսի շեշտադրումն ուշագրավ է այնքանով, որ ադրբեջանական կողմից ավելի հաճախ լսում ենք Ալիևի այն պնդումը, որ «Ղարաբաղի հարցը արդեն փակված է» և այս առումով անկանխատեսելի որևէ զարգացում չի կարող լինել։
Ադրբեջանում խնդիրը լուծված են համարում հասկանալի պատճառներով, իսկ ռուսական կողմից հետպատերազմյան շրջանում հնչում են հայտարարություններ, որ զգայուն հարցերին պետք է անդրադառնալ ավելի ուշ, քանզի լայնածավալ պատերազմից հետո կրքերը դեռ չեն հանդարտվել և կողմերի միջև բանակցությունները չեն կարող լինել արդյունավետ։ Մասնավորապես խնդրի շուրջ խոսել են Դմիտրի Պեսկովը և Սերգեյ Լավրովը՝ նշելով, որ կարգավիճակի հարցն անորոշ ժամանակով պետք է հետաձգել։ Դե գաղտնիք չէ, որ Ռուսաստանն ակնկալիքներ ունի Ադրբեջանից և այս ժամանակահատվածում ձեռնպահ է մնում կտրուկ գործողություններից, նույնիսկ ճնշումներ չի գործադրում Ադրբեջանի վրա հայ ռազմագերիների հայրենադարձման մասով, մինչդեռ նոյեմբերի 9-ի եռակողմ հայտարարության տակ ստորագրել է նաև Վլադիմիր Պուտինը։ Սույնով կարող ենք ասել՝ Մոսկվայում Ղարաբաղյան հակամարտության հարցը լուծված չեն համարում, բայց չեն էլ շտապում լուծել։
Այս համատեքստում հատկանշական է ԱՄՆ Պետդեպարտամենտի՝ ԱՄՆ պետքարտուղարի օգնականի տեղակալ Ջորջ Քենթի շուրթերով արված այն հայտարարությունը, որ «Ռուսաստանը կարող է ավելի շուտ ձգտել պահպանել Լեռնային Ղարաբաղի հակամարտությունը, քան լուծել այն»։
Եվ եթե Ռուսաստանը իր շահերից ելնելով վարում է Ադրբեջանին սիրաշահելու քաղաքականություն և դեռևս պատրաստ չէ հակամարտության վերջնական հանգուցալուծմանը, ապա ԱՄՆ-ում կարծում են, որ կարգավիճակի շուրջ վերջնական համաձայնության ձեռք բերումը կարող է հանգեցնել «ճգնաժամի կարգավորմանը»։
Քենթը ասել է, որ անվտանգության տեսանկյունից հիմնական մարտահրավեր է մնում այն, թե «ինչպե՞ս մոտենալ Լեռնային Ղարաբաղի հակամարտությանն այնպես, որ երկու երկրներին թույլ տրվի հասնել վերջնական համաձայնության վերջնական կարգավիճակի վերաբերյալ»։ Վերջինս շեշտել է՝ Ռուսաստանը շահարկում է հակամարտությունը՝ առանց իրականում ձգտելու կարգավորել խնդիրը և թույլ տալու, որ Հայաստանը և Ադրբեջանն առաջ շարժվեն։
Քրիստինե Հովսեփյան
Recent Posts
Պաղեստինը պահանջում է Իսրայելին հեռացնել Խաղաղության խորհրդից
Պաղեստինը դեմ է Իսրայելի մասնակցությանը Խաղաղության խորհրդում: Ավստրիայում Պաղեստինի դեսպան և Վիեննայում գտնվող միջազգային կազմակերպություններում…
ՀՀ-ն ակնկալում է ռազմավարական գործընկերության մակարդակի բարձրացնել Հունաստանի հետ հարաբերությունները
Հայաստանն ակնկալում է ռազմավարական գործընկերության մակարդակի բարձրացնել Հունաստանի հետ հարաբերությունները։ Ինչպես հաղորդում է «Արմենպրես»-ի թղթակիցը,…
Արմավիրի մարզում իրականացնում են խուզարկություններ
Արմավիրի մարզում խուզարկություններ են իրականացվում. Radar Armenia-ն տեղեկացավ Ներքին գործերի նախարարությունից։ «ՆԳՆ քրեական ոստիկանության ծառայողները…
Վերադառնում եմ խաղաղության ավելի մեծ վստահությամբ. Նիկոլ Փաշինյան
ՀՀ վարչապետ Նիկոլ Փաշինյանը Ֆեյսբուքի իր էջում գրառում է կատարել, որում հայտնել է, որ հայրենիք…
Էմանուել Մակրոնը կժամանի Հայաստան
Ֆրանսիայի նախագահ Էմանուել Մակրոնը մայիսի 4-ին կժամանի Հայաստան՝ մասնակցելու Երևանում կայանալիք Եվրոպական քաղաքական համայնքի 8-րդ…
Ընդդիմությունը մի գործ ունի անելու՝ իրար ոտքի տակ չքանդել․ Սերժ Սարգսյանը՝ նախընտրական շրջանի մասին
Ես չգիտեմ մնացածներն ինչով են զբաղված, բայց ընդդիմությունը մի գործ ունի անելու՝ իրար ոտքի տակ…