Արկտիկայում սկսել են երաժշտության ստորգետնյա շտեմարան կառուցել

Հյուսիսային սառուցյալ օվկիանոսում գտնվող Շպիցբերգեն արշիպելագի տարածքում երաժշտության ստորգետնյա շտեմարանի շինարարություն է սկսվել:

300 մետր խորության տակ գտնվող կառույցի շինարարությունը նախատեսվում է ավարտին հասցնել 2022 թվականի սկզբին:

«Կառույցը գտնվելու է ձյան և ժայռի տակ` 300 մետր խորությամբ և պետք է ծառայի առնվազն 1000 տարի: Երաժշտության պահպանման արխիվացման համար կիրառվելու են Piql նորվեգական ընկերության հատուկ տեխնոլոգիաները»,- ասվում է թելեգրամյան ալիքի էջում:

Սկզբնական շրջանում շտեմարանում կպահվեն տեղական երաժշտական ոճերը, այնուհետև այլ ժանրեր կավելացնեն: Նորվեգիայի իշխանությունները Շպիցբերգենում նաև սերմերի համաշխարհային ամբար էին ստեղծել, որը պարունակում է աշխարհի բոլոր տեսակի բույսերի սերմերը և որպես պահուստային տարբերակ կծառայի մարդկության համար համաշխարհային աղետից հետո:

Նյութը՝ iz.ru