Գալիք տարի սոցիալական ապահովության ոլորտին կտրամադրվի մոտ 487 մլրդ դրամ

Հայաստանում սոցիալական ապահովության ոլորտին 2020 թվականին կտրամադրվի շուրջ 486 մլրդ 905 մլն դրամ: Դա ներառում է նաև կենսաթոշակների արդեն հայտարարված բարձրացման գումարը: «Արմենպրես»-ի փոխանցմամբ՝ այս մասին հայտնել է ՀՀ աշխատանքի և սոցիալական հարցերի նախարար Զարուհի Բաթոյանը՝ ՀՀ ԱԺ առողջապահության եւ սոցիալական հարցերի մշտական հանձնաժողովում 2020 թվականի պետական բյուջեի նախագծով նախատեսված՝ բնագավառի ֆինանսական հատկացումների վերաբերյալ քննարկմանը:

«Բյուջեի բացվածքը դեռ ամբողջությամբ հրապարակված չէ: Դրանից հետո մենք պատրաստ ենք նաև ծրագրերի ցուցանիշները համատեղ քննարկելու: Այս պահին միայն կարող ենք ասել, որ սոցիալական ոլորտին տրամադրվելու է շուրջ 486 մլրդ 905 մլն դրամ, որը նաեւ ներառում է կենսաթոշակների բարձրացման գումարը»,- ասաց Բաթոյանը:
Ավելին՝ armenpress.am