Հայաստանում ստեղծված՝ աղմուկի հեռացման տեխնոլոգիան, աշխարհում լավագույնն է․ Արտավազդ Մինասյան

Արտավազդ Մինասյանը անդրադարձել է Հայաստանում ստեղծված ու ստեղծվող նորագույն տեխնոլոգիաների գլուխգործողներին, մատնանշելով դրանցից մի քանիսը։ Ըստ Մինասյանի, 5 տարի առաջ Հայաստանում ստեղծված՝ աղմուկի հեռացման տեխնոլոգիան, մինչ օրս համարվում է աշխարհում լավագույնը։

«5 տարի առաջ, Հայաստանում ստեղծեցինք աղմուկի հեռացման՝ աշխարհում լավագույն տեխնոլոգիան, որը միչև օրս որակապես գերազանցում է Microsoft, Google,և Zoom-ի լուծումներին։ Այս շաբաթ բախտ վիճակվեց տեսնելու այլ հայ գիտնականների և հետազոտողների կողմից ստեղծված միանգամից վեց լուծում, որոնք կա՝մ աշխարհում լավագույնն են , կա՝մ լավագույների շարքում։

• Վիդեո զանգի ժամանակ մարդու արտաքին տեսքը բարելավող, ատամները սպիտակեցնող, դեմքը հարթեցնող ալգորիթմ։
• Մարդու ձայնը կլոնավորող և նրա ձայնով տեքստը ձայնի վերածող տեխնոլոգիա։
• Արհեստական բանականությամբ զբաղվող մասնագետների գործը մի քանի անգամ արագացնող համակարգ։
• Մարկետինգի մասնագետների համար հաճախորդների լոյալությունը գուշակող պլատֆորմ։
• Կարճատեսությունը, հեռատեսությունը, և ասիգմատիզմը բժշկական ճշգրտությամբ չափող բջջային հավելված։
• 6-երորդի մասին միայն կարող եմ ասել, որ աշխարհում այս երկակի նշանակության տեխնոլոգիայից ունեն գերտերությունները՝ ԱՄՆ-ը, Չինաստանը, Ռուսաստանը և արդեն մենք։ Այո՜, այսօր Հայաստանում, հայ գիտնականների կողմից ստեղծվում են տեխնոլոգիաներ և ալգորիթմներ, որոնք միջազգային ասպարեզում կամ բացարձակ նորամուծություն են կամ լավագույն եռյակում են։Առա՝ջ գիտություն,Առա՝ջ տեխնոլոգիաներ,Առա՝ջ ստարտափներ,Առա՝ջ Հայաստան»,- գրել է Արտավազդ Մինասյանը իր ֆեյսբուքյան էջում։