Հաղորդում հանցագործության մասին։
Ես Շանթ Գոչեանս հանդիսանում եմ Պապարացի կաֆե ՍՊԸ-ի տնօրենը։ Ընկերությունը սրճարանային և ակումբային գործունեություն է ծավալում Աբովյան 3 հասցեում։ Նշված տարածքը վարձակալությամբ տրված է ինձ արդեն մոտ 6 տարի։ Վերջին շրջանում տարածքի սեփականատեր լ/ա Վոլոդյա Բեջանյանը մշտապես արհեստական խոչըդոտներ է ստեղծում ընկերության բնականոն աշխատանքի համար, արգելում է ընկերության տարբեր աշխատակիցներին մուտք գործել տարածք, անջատում է լույսերը, վերելակը։
Մոտ 1 տարի առաջ տարածքի սեփականատիրոջ ներկայացուցիչը խաբեությամբ, պատճառաբանելով, որ շտապ պետք է վաճառի տարածքը՝ լուծել է վարձակալության պայմանագիրը, որից հետո հրաժարվել է կնքել նոր պայմանագիր, սակայն վարձավճարները մշտապես ստացել է, և որևէ պահանջ կապված վարձավճարների հետ առ ներկա պահը ոչ գրավոր, ոչ բանավոր չի ներկայացրել։ Լ/ա Վոլոդյա Բեջանյանը ստացել է այդ թվում նաև օգոստոս ամսվա վարձավճարը 9500$֊ի չափով։ Երբևէ որևէ գրավոր կամ բանավոր պահանջ չի եղել տարածքը ազատելու վերաբերյալ, իսկ ընկերության բազմաթիվ առաջարկներին նոր պայմագիր կնքելու՝ մերժել է։
2021թ-ի օգոստոսի 15֊ին ժամը գիշերը 12.30 սահմաններում հերթական անգամ անջատել է հոսանքը, արգելափակել վերելակը՝ ցանկանալով տարածքից դուրս չթողնել հյուրերին և անձնակազմին։ Իմ միջամտությունից հետո վերելակը միացրել են և թույլ տվել մարդիկ դուրս գան։ Մի քանի ժամ բանակցելուց հետո խնդրել եմ ողջամիտ ժամկետ տրամադրել տարածքից ընկերությանը պատկանող ողջ գույքը դուրս բերելու համար, սակայն Վոլորդյա Բեջանյանը, նրա թոռնիկ Վլադ Բեջանյանը և այլ անձինք (նրանք ներկայացել են թոռան ընկերներ, Բորիս անունով պահակը, և մեկ քաղաքացի, ով ասում էր, որ Վոլոդյան իր շեֆն է) թույլ չեն տվել գույքը դուրս բերել՝ փակել են դռները և առհասարակ արգելել մուտք գործել տարածք։ Ընկերությանը գրասենյակը ևս այդ տարածքում էր։
Տարածքում ներկայումս գտնվում է ընկերության ողջ գույքը, ներառյալ հդմ սարքերը, ընկերության ամբողջ փաստաթղթերը, կնիքները, համակարգիչները, տարածքի կահավորման և սպասարկման համար համար ձեռք բերված ողջ գույքը՝ լույսային, երաժշտական սարքավորումներ, բազկաթոռներ, սեղաններ, աթոռներ, սառնարաններ, օդորակիչներ, սպասք և այլ գույք։Ընկերության աշխատանքը ապօրինաբար խափանված է, գույքը՝ հափշտակված։ Ընկերության տնօրինությանը և աշխատակիցներին զրկել են իրենց պատկանող իրերը տնօրինելու, օգտագործելու իրավունքից։ Ընկերությունը կրում է ահռելի վնասներ, խախտել է իր հաճախորդների առջև հանձն առած պարտավորությունները։Սույնով խնդրում եմ նշվածը ընդունել որպես հաղորդում հանցագործության մասին կատարված մի խումբ անձանց կողմից։
Հայցում ենք մեր բոլոր հաճախորդների ներողամտությունը և հայտարարում, որ Պապարացի քլաբը և Վերեվը այլևս նշված հասցեում գործունեություն չեն ծավալելու։”
Պապարացի կաֆե” ՍՊԸ տնօրեն Շանթ Գոչեան։
Վարչապետ Նիկոլ Փաշինյանն ընդունել է «Թումո» կենտրոնի համահիմնադիր Սեմ Սիմոնյանին և ԱՄՆ-ում գործող Inet Technologies…
Սեպտեմբերի 30-ին ՀՀ ԱԽ քարտուղար Արմեն Գրիգորյանի մասնակցությամբ Բրյուսելում տեղի է ունեցել ՆԱՏՕ-ի անդամ երկրների…
Մայրաքաղաքում տրանսպորտային հոսքերի անցանելիությունն ավելացնելու նպատակով հոկտեմբերի 2-ից երթևեկության կազմակերպման փոփոխություն կկատարվի Իսահակյան փողոցում: Այս…
Սեպտեմբերի 29-ից մինչև նոյեմբերի 25-ը պրոեֆսիոնալ դիտողական սարքերի միջոցով երկնքում տեսանելի կլինի «երկրորդ լուսինը». այս…
ՀՀ Ազգային ժողովի «Քաղաքացիական պայմանագիր» խմբակցության պատգամավոր Վահագն Ալեքսանյանի խոսքով՝ քանի դեռ եկեղեցում կան մարդիկ,…
-Մարդու իրավունքների եւ ազատությունների հետ կապված իրավիճակն Ադրբեջանում հուսադրող չէ,- «Ազատություն» ռադիոկայանին հարցազրույցում ասել է…