«Հրավառություն չի լինելու»․ սեպտեմբերի 21-ի միջոցառման պրոդյուսերը՝ շրջանառվող տարատեսակ լուրերի մասին (տեսանյութ)

ԿԸՀ ֆեյք կայքի առնչությամբ ուսումնասիրություն կատարե՞լ եք. Բաբկեն Թունյանը՝ ՏիգրանՆախորդ շաբաթ ՀՀ կառավարության նիստի ժամանակ վարչապետ Նիկոլ Փաշինյանը հայտարարեց, որ այս տարի Սեպտեմբերի 21-ի միջոցառումները պատշաճ կերպով նշվելու են: «Սեպտեմբերի 21-ին Հանրապետության հրապարակում տեղի է ունենալու լայնամասշտաբ և գունագեղ տոնակատարություն, և այն առաջին հերթին նվիրված է լինելու ՀՀ-ի անկախության և Արցախի համար իրենց կյանքը զոհած մեր նահատակների հիշատակին»,- հայտնեց նա:

Միջոցառման կազմակերպչական աշխատանքներն իրականացնելու է «Դոմինո փրոդաքշն» ընկերությունը:

«Հայկական ժամանակի» հետ զրույցում ընկերության հիմնադիր, անկախության 30 ամյակին նվիրված միջոցառման նախագծի պրոդյուսեր Աշոտ Առաքելյանը հայտնեց, որ միջոցառման ընթացքում հնչելու է դասական երաժշտություն, կատարվելու են Հայաստանին ու Արցախին նվիրված երգեր, լինելու է սիմֆոնիկ նվագախումբ՝ երգչախմբով, հայկական երգերի կատարումներով:

Նրա խոսքով՝ իրականությանը չեն համապատասխանում օրհներգի նոր տեսահոլովակի և հրավառության մասին շրջանառվող լուրերը:

«Սա ասում եմ մեզ ապահովագրելու համար, որ հետո չստացվի, թե մամուլում տարածվեց, որ միջոցառման ժամանակ հրավառություն է լինելու, և մենք ծրագրից հանեցինք այն: Կամ օրհներգի հետ կապված, որ տեսահոլովակում Արցախը չկար, նոր են ավելացրել»,- ասաց նա։

Մանրամասները՝ տեսանյութում։ https://www.youtube.com/watch?v=cWttgTksR4o&t=2s