Մեհդի Ռաջաբիանը կարող է ազատազրկման դատապարտվել նոր երաժշտական ալբոմի համար, որը ստացել է Coup Of The Gods անվանումը:
Բանն այն է, որ ալբոմի ստեղծման աշխատանքներին մասնակցել են երկու ամերիկացի երգչուհի, որոնք որոշ հատվածներ են կատարել երգերից: Ալբոմի ստեղծմանը ներգրավվել են նաև բրազիլական նվագախումբը, ռուս, թուրք, հնդիկ, արգենտինացի երաժիշտներ. այս մասին հաղորդում է BBC News-ը: Նրանցից բացի ալբոմում հնչում է ամերիկուհիներ Լիզի Օ’Վերիի և Օդրի Ջոնսոնի ձայնը: Սակայն Իրանում արգելվում է կին վոկալիստների գործունեությունը:
Երբ Ռաջաբիանն անցյալ տարի հայտնել էր կին երաժիշտների հետ աշխատելու իր մտադրության մասին, վերջինիս ձերբակալել էին: Այնուհետև, երբ նա կանգնել էր դատարանի առաջ, դատավորը երաժշտին ասել էր, որ ինքը «խրախուսում է մարմնավաճառությունը»: Գրավի դիմաց բանտից դուրս գալուց հետո նա շարունակել է իր գործունեությունը:
