Նիկոլ Փաշինյանն ընդունել է ԵՄ պատվիրակությանը
ՀՀ վարչապետ Նիկոլ Փաշինյանն ընդունել է ԵՄ խորհրդում ֆրանսիական նախագահության ներկայացուցիչ, Ֆրանսիայի նախագահի գրասենյակի խորհրդական Իզաբել Դյումոնի և Հարավային Կովկասի ու Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարի ղեկավարած պատվիրակությանը: Տեղեկությունը հայտնում է վարչապետի մամուլի ծառայությունը։
Հանդիպման ընթացքում զրուցակիցներն անդրադարձել են 44-օրյա պատերազմի հետևանքով Հարավային Կովկասի տարածաշրջանում ստեղծված իրավիճակին, հայ-ադրբեջանական սահմանին իրավիճակի լիցքաթափմանն ու կայունության ապահովմանն ուղղված քայլերին:
Մտքեր են փոխանակվել Սոչիում ՌԴ նախագահի, ինչպես նաև Բրյուսելում Եվրոպական խորհրդի նախագահի ու Ֆրանսիայի նախագահի միջնորդությամբ կայացած հանդիպումների արդյունքների ու ձեռք բերված պայմանավորվածությունների իրականացման վերաբերյալ:Ընդգծվել է նաև Լեռնային Ղարաբաղի հակամարտության տևական կարգավորման ուղղությամբ ԵԱՀԿ Մինսկի խմբի համանախագահության հովանու ներքո խաղաղ գործընթացի լիարժեք գործարկման և համանախագահների գործունեության ակտիվացման անհրաժեշտությունը:
Հիշեցնենք, որ Իզաբել Դյումոնի և Տոյվո Կլաարի ղեկավարած պատվիրակությունը Հայաստան այցելելուց առաջ եղել է Ադրբեջանում: Երեկ նրանց ընդունել էր Ադրբեջանի նախագահ Իլհա, Ալիևը։
Այսօր ԵՄ պատվիրակության հետ հանդիպել են նաև Հայաստանի անվտանգության խորհրդի քարտուղար Արմեն Գրիգորյանն ու արտգործնախարար Արարատ Միրզոյանը։
Recent Posts
2025 թվականին եկամուտ ստացող աշխատատեղերի թվաքանակը կազմել է 814 818․ ՊԵԿ
Հարկ վճարողների կողմից 2025 թվականի նոյեմբեր ամսվա համար ներկայացված եկամտային հարկի և սոցիալական վճարի հաշվարկների…
Սպասվում են տեղումներ, բարձրադիր գոտում՝ ձյան տեսքով
Երևանում դեկտեմբերի 24-ի ցերեկը, 25-26-ին, 29-ին սպասվում է առանց տեղումների եղանակ։ Դեկտեմբերի 27-28-ին սպասվում են…
Քննարկվել են Հայաստանից Միացյալ Նահանգներ գյուղատնտեսական մթերքներ արտահանմանն առնչվող հարցեր
ՍԱՏՄ ղեկավար Տիգրան Պետրոսյանը հյուրընկալել է Անկարայում ԱՄՆ դեսպանատան գյուղատնտեսական հարցերով (USDA) առևտրային ներկայացուցիչ Ռիշան…
Մոսկվան քննարկում է Ադրբեջանով ՀՀ պարարտանյութեր մատակարարելու հնարավորությունը. Օվերչուկ
Ադրբեջանի միջոցով Հայաստան հացահատիկի մատակարարումներից բացի, Ռուսաստանը քննարկում է պարարտանյութեր մատակարարելու հնարավորությունը։ Ուսումնասիրվում է նաև…
Հին կաղապարներից պետք է ձերբազատվենք, որ լինի ու մնա մեր պետությունը
Մեր պատկերացումները մեր հարեւանների, մեր տարածաշրջանի ու մեր մասին հայտնի են։ Հարյուր տարուց ավելի է…
Ո՞ր օրը կկայանան խորհրդարանական ընտրությունները. Վ. Հովակիմյանի պարզաբանումը
2027 թվականից կմեկնարկի ԿԸՀ վարչական շենքի կապիտալ նորոգումը։ Լրագրողների հետ ընթացող հանդիպմանը հայտարարեց հանձնաժողովի նախագահի…