Օդի ջերմաստիճանը մի քանի աստիճանով կբարձրանա

Հայաստանի Հանրապետության տարածքում հունվարի 24-ին, 26-ին, 28-ին սպասվում է առանց տեղումների եղանակ, 25-ի գիշերը և առավոտյան ժամերին առանձին շրջաններում, 27-ին շրջանների զգալի մասում սպասվում է ձյուն և մառախուղ:

Տեղեկությունը հայտնում են ՇՄՆ «Հիդրոօդերևութաբանության և մոնիտորինգի կենտրոն» ՊՈԱԿ-ից։

Քամին՝ հարավ-արևմտյան՝ 2-5 մ/վ:

Օդի ջերմաստիճանը 24-ի գիշերը կբարձրանա 2-3 աստիճանով: Ամենացածր ջերմաստիճանը կգրանցվի Շիրակի մարզում ու Վայոց Ձորի լեռներում՝ -18 (գիշերը), ամենաբարձրը՝ Տավուշի մարզում՝ +13։

Երևանում հունվարի 24-26-ը սպասվում է առանց տեղումների եղանակ, 27-ին սպասվում է ձյուն:Օդի ջերմաստիճանը մայրաքաղաքում կլինի ցերեկը՝ +2-ից +4, երեկոյան՝ -3-ից -5 աստիճան։