Երևանում երկրաշարժ է գրանցվել. ցնցումները զգացվել են բոլոր թաղամասերում

Երևանում այսօր 22։25–ի մոտակայքում բավական ուժեղ երկրաշարժ գրանցվեց։ Քաղաքաի կենտրոնում` Հանրապետության հրապարակի մոտակայքում բավական երկար ու տևական ցնցումներ զգացվեցին։

Սոցցանցերի օգտատերերը ևս հայտնում են, որ զգացել են ուժեղ ցնցումներ, հատկապես Ավանի և Նոր նորքի տարածքում։

Գյումրիում նույնպես ուժեղ ցնցումներ են գրանցվել։

Մարդիկ կրկին անվտանգության նկատառումներից ելնելով տներից դուրս են եկել փողոց։Եվրոպական միջերկրածովյան սեյսմոլոգիական կենտրոնի տվյալներով` երկրաշարժի էպիկենտրոնը եղել է Վրաստանի հարավում՝ Սամեբա գյուղում։

Էպիկենտրոնում գրանցվել է 5.3 բալ ուժգնությամբ ցնցում։

Նշենք, որ նախորդ տարի փետրվարի 5-ին և 13-ին Երևանում նույնպես երկրաշարժեր են գրանցվել։