Երևանի Ալբերտ Ազարյանի անվան մարզադպրոցում տեղի է ունեցել սպորտային մարմնամարզության մեծահասակների Հայաստանի առաջնությունը։
Հայաստանի մարմնամարզության ֆեդերացիայից հայտնում են, որ 80.7 միավորով բազմամարտի Հայաստանի չեմպիոն է դարձել Տոկիոյի օլիմպիական խաղերի բրոնզե մեդալակիր, Եվրոպայի չեմպիոն Արթուր Դավթյանը։
77,350 միավոր արդյունքով արծաթե մեդալակիր է դարձել Գագիկ Խաչիկյանը, իսկ բրոնզե մեդալակիր է` Համլետ Մանուկյանը` 76.2 միավորով։
Հիշեցնենք, որ 1980 թվականին Մոսկվայում կայացած օլիմպիական խաղերից հետո Արթուր Դավթյանը Հայաստանը ներկայացնող առաջին մարմնամարզիկն է, որը մեդալ է վաստակել օլիմպիական խաղերում։
