Վարչապետ Նիկոլ Փաշինյանի որոշմամբ Արամ Մկրտչյանն ազատվել է քաղաքաշինության կոմիտեի գլխավոր քարտուղարի պաշտոնից: «Ղեկավարվելով «Քաղաքացիական ծառայության մասին» օրենքի 16-րդ հոդվածի 1-ին մասով և 37-րդ հոդվածի 1-ին մասի 1-ին կետով՝ Արամ Սայադի Մկրտչյանին 2024 թվականի ապրիլի 11-ից ազատել քաղաքաշինության կոմիտեի գլխավոր քարտուղարի պաշտոնից»,- ասված է որոշման մեջ:

ՀՀ վարչապետի որոշմամբ, Արա Մկրտչյանն ազատվել է արդարադատության նախարարի տեղակալի պաշտոնից։ «Ղեկավարվելով «Հանրային ծառայության մասին» օրենքի 9-րդ հոդվածի 1-ին մասով՝ Արա Մկրտչյանին ազատել արդարադատության նախարարի տեղակալի պաշտոնից»,- ասված է որոշման մեջ: Հիշեցնենք, որ Մկրտչյանը փոխնախարար էր նշանակվել 2023թ. հունվարին։ Ավելի վաղ նա աշխատել է ոստիկանությունում։

Հայաստանի պաշտպանության նախարարությունը հետևյալ հաղորդագրությունն է տարածել. «Ադրբեջանի պաշտպանության նախարարությունը կրկին ապատեղեկատվություն է տարածել։ Ադրբեջանի ՊՆ հաղորդագրությունը, թե իբր ապրիլի 9-ին՝ ժամը 16։00-ից 16։50-ն ընկած ժամանակահատվածում, ՀՀ ԶՈՒ ստորաբաժանումները կրակ են բացել սահմանագոտու հարավարևմտյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը»։

Հանրապետության նախագահ Վահագն Խաչատուրյանն ընդունել է Երևանի կոնյակի գործարանի գործադիր տնօրեն Սերգեյ Խաչատրյանին և Պեռնո Ռիկար Արևելյան Եվրոպայի գործադիր տնօրեն Արա Գրիգորյանին: Հանդիպման ընթացքում Սերգեյ Խաչատրյանը Հանրապետության նախագահին է ներկայացրել Երևանի կոնյակի գործարանի կողմից իրականացվող ծրագրերն ու ընդհանուր իրադրությունը, ինչպես նաև ընթացիկ տարում խաղողի մթերման նախապատրաստական աշխատանքները: Նախագահ Վահագն Խաչատուրյանը բարձր է գնահատել արտադրանքի որակական […]

Ներքին գործերի նախարարության կողմից համայնքային ոստիկանության բարեփոխումների համատեքստում, հասցեագրելով նաև բռնության ենթարկված երեխաների պաշտպանության անհրաժեշտությունը, նախաձեռնվել և ընդունվել է օրենսդրական փաթեթ, որի հիման վրա 2024 թ. ապրիլի 4-ին ՀՀ կառավարությունը ընդունել է «Բռնության ենթարկված երեխայի՝ պաշտպանության կամ աջակցության տրամադրման նպատակով համապատասխան մարմիններ ուղղորդման կարգը, բռնության ենթարկված երեխային տրամադրվող աջակցության ձևերը և տրամադրման կարգը սահմանելու մասին» […]

Ապրիլի 12-ին Մինսկում կայանալիք ԱՊՀ արտգործնախարարների խորհրդի նիստին Հայաստանը ներկայացված կլինի դիվանագիտական գերատեսչության ղեկավարի տեղակալի մակարդակով, ՏԱՍՍ-ին հայտնել են Բելառուսի ԱԳՆ-ից։ «Մենք ակնկալում ենք արտաքին քաղաքական գերատեսչությունների ութ պատվիրակության մասնակցություն՝ չհաշված Բելառուսը։ Դրանք հիմնականում կգլխավորեն նախարարները, սակայն կլինեն պատվիրակություններ լիազորված փոխնախարարների մակարդակով, այդ թվում՝ Հայաստանի ԱԳՆ-ից», – տեղեկացրել են բելառուսական դիվանագիտական գերատեսչությունից։

Վարչապետ Նիկոլ Փաշինյանը հեռախոսազրույց է ունեցել Գերմանիայի կանցլեր Օլաֆ Շոլցի հետ, հայտնել է վարչապետի մամուլի խոսնակ Նազելի Բաղդասարյանը Քննարկվել են Հայաստան-Գերմանիա համագործակցությանը, ՀՀ-ԵՄ հարաբերությունների հետագա զարգացմանը վերաբերող հարցեր: Անդրադարձ է կատարվել Հայաստան-Ադրբեջան խաղաղության գործընթացին: Վարչապետ Փաշինյանը նշել է, որ Հայաստանը պատրաստ է գնալ լուծումների 2022 թվականի հոկտեմբերի 6-ին Պրահայում, 2023 թվականի մայիսի 14-ին և հուլիսի […]