Մահացել է Հայաստանի վաստակավոր ճարտարապետ Գուրգեն Մուշեղյանը: Նա մեծ ներդրում ունի Հայաստանի քաղաքաշինության և ճարտարապետության մեջ: Մուշեղյանի համահեղինակությամբ կառուցվել են՝ Երևանի «Հրազդան» մարզադաշտը, Մարզահամերգային համալիրը,Գյումրիի օդանավակայանը: Գուրգեն Մուշեղյանը եղել է Հայպետնախագիծ ինստիտուտի ավագ ճարտարապետը, այնուհետև` Գյումրիի գլխավոր ճարտարապետը, 1964-1967 թվականներին՝ Երևանի գլխավոր ճարտարապետի տեղակալը։ 1982-1990 թվականներին զբաղեցրել է Երևանի գլխավոր ճարտարապետի պաշտոնը։

«Հայաստան. ծառատունկ» ծրագրի հիմնադիր Քերոլին Մուգարը միացել է «Մենք ենք, մեր սահմանները» համահայկական շարժմանը՝ նվիրաբերելով 1 միլիոն ԱՄՆ դոլար, տեղեկացնում են «Հայաստան» համահայկական հիմնադրամից: Միացի՛ր համահայկական շարժմանը և կատարի՛ր քո նվիրատվությունը հիմա: Հասցեն՝ www.himnadram.org: Այս պահին հավաքվել է 126,7 միլիոն դոլար:

ՀՀ մարդու իրավունքների պաշտպան Արման Թաթոյանը հայտնում է․ «Ադրբեջանի զինված ուժերի արդեն 22 օր տևող ու չդադարող զինված հարձակումները մարդասիրական աղետ են առաջացրել ոչ միայն Արցախի քաղաքացիական բնակավայրերում, այլ նաև բոլոր այն վայրերում, որտեղ անմիջական ռազմական բախումներն են: Արցախի քաղաքացիական բնակավայրերի ուղղությամբ ադրբեջանական զինված ուժերի շարունակվող թիրախային հարձակումների հետևանքով ավերվում են տներ ու կենսական քաղաքացիական […]

ՀՀ արտաքին գործերի նախարարությունը տեղեկացնում է, որ Իտալիայի Պադերնո Դունյանո քաղաքի քաղաքային խորհուրդը միաձայն քվեարկությամբ ճանաչել է Հայոց ցեղասպանությունը:

Հանրապետության նախագահ Արմեն Սարգսյանը ցավակցական հեռագիր է հղել անվանի լուսանկարիչ Վահան Քոչարի մահվան կապակցությամբ: «Խոր ցավով իմացա Վահան Քոչարի վաղաժամ մահվան մասին: Մեր ժողովուրդը կորցրեց իր լավագույն զավակներից մեկին: Նա իր հոր՝ մեծատաղանդ լուսանկարիչ, արվեստագետ Անդրանիկ Քոչարի արժանի ժառանգն էր և նրա գործի շարունակողը, հայ լուսանկարչության պատմության հիանալի գիտակ եւ տարածող: Վահան Քոչարը ուրույն հետք […]

ՀՀ արտգործնախարար Զոհրաբ Մնացականյանը գրառում է արել Թվիթերի իր էջում, որում մասնավորապես ասվում է. «Համաձայնեցված մարդասիրական զինադադարը պետք է գործեր այսօր կեսգիշերից: Առավոտյան՝ ժ. 7:20-ին, Ադրբեջանը վերսկսել է լայնածավալ հարձակողական գործողությունները: Սեփական հանձնառություններն անտեսելը հերթական անգամ ի ցույց է դնում Բաքվի պատվազուրկ և կոռումպացված ռեժիմի գործելաոճը»:

ՀՀ ԱԳՆ մամուլի խոսնակի հայտարարությունն ԱԳԵԾ խոսնակի՝ այսպես կոչված «Գյանջա քաղաքի հրթիռակոծման» վերաբերյալ հայտարարությանը: Հոկտեմբերի 17-ին Արտաքին գործողության եվրոպական ծառայությունը հրապարակել է խոսնակի հայտարարությունը` այսպես կոչված «Գյանջա քաղաքի հրթիռակոծման» վերաբերյալ։ Արդեն երեք շաբաթ է, ինչ Ադրբեջանը վայրագորեն հրետակոծում է Արցախի (Լեռնային Ղարաբաղի) քաղաքներն ու գյուղերը, այդ թվում՝ մայրաքաղաք Ստեփանակերտը՝ դիտավորյալ թիրախավորելով քաղաքացիական բնակչությանը և քաղաքացիական […]