«Եվրատեսիլ» երգի միջազգային մրցույթում Էստոնիան կներկայացնի հայազգի երգիչ, Էստոնիայի Տարտու քաղաքի «Mashtots Tartu – Tallinn» հայկական կիրակնօրյա դպրոցի շրջանավարտ, «Դվին» քառյակի երգիչ Ստեֆան Հայրապետյանը: Տեղեկությունը հայտնում է Լիտվայում, Լատվիայում և Էստոնիայում ՀՀ դեսպանությունը։ «Եվրատեսիլ 2022» 66-րդ մրցույթը տեղի կունենա Թուրինում (Իտալիա)։

Իսպանիայում ՀՀ արտակարգ և լիազոր դեսպան Սոս Ավետիսյանի հրավերով դեսպանություն է այցելել Մադրիդում բնակվող աշխարհահռչակ հայազգի ջութակահար Արա Մալիկյանը։ «Դեսպան Ավետիսյանը վերջինիս հետ քննարկել է Իսպանիայում համատեղ մշակութային միջոցառումների անցկացման և հայ մշակույթն առավել ճանաչելի դարձնելու հնարավորությունները, ինչպես նաև շնորհակալություն հայտնել հայրենիքից հեռու նրա ծավալած հայանպաստ գործունեության համար»,- ասված է Իսպանիայում ՀՀ դեսպանության էջում:

ԱՄՆ-ի ձայնագրման ակադեմիան «Գրեմմի» երաժշտական 64-րդ մրցանակաբաշխության արարողությունը կարող է հետաձգել։ Տեղեկությունը billboard.com կայքին հաղորդել են աղբյուրները։ Մրցույթը նախատեսվում է իրականացնել Los Angeles Convention Center–ում։ Արդեն երկրորդ տարին է, ինչ «Գրեմմի» մրցանակաբաշխությունը հետաձգվում է COVID-19-ի պատճառով: Անցյալ տարվա շոուն սկզբում նշանակվել էր 2021 թվականի հունվարի 31-ին, սակայն հունվարի 5-ին որոշվել էր այն տեղափոխել մարտի 14–ին՝ Լոս Անջելեսում […]

Դեկտեմբերի 24-ին, «Արամ Խաչատրյան» համերգասրահում «Երեք տենոր» մեծ գալա-համերգով հանդես են եկել միջազգային ճանաչում ունեցող հայ օպերային երգիչներ Լիպարիտ Ավետիսյանը, Արսեն Սողոմոնյանը և նոր բարձունքներ նվաճող երիտասարդ տենոր Տիգրան Հակոբյանը. տեղեկացնում են Հայաստանի ազգային ֆիլհարմոնիկ նվագախմբի լրատվական ծառայությունից: «Հնչեցին հայտնի և սիրված օպերային արիաներ, երգեր և օպերային նախերգանքներ։ Համերգն անցավ Հայաստանի ազգային ֆիլհարմոնիկ նվագախմբի նվագակցությամբ […]

Կամերային երաժշտության ազգային կենտրոնը ՀՀ վարչապետի աշխատակազմի, ՀՀ ԿԳՄՍ նախարարության օժանդակությամբ ներկայացնում է դաշնամուրային առցանց համերգ Հայաստանի գլխավոր ժամացույցի սրահից՝ դաշնակահար, ՀՀ վաստակավոր արտիստ Հայկ Մելիքյանի կատարմամբ: Համերգը նվիրված է Երևանի քաղաքային ժամացույցի 80-ամյա հոբելյանին։

Եվրոպական հեռարձակողների միությունը և Հայաստանի հանրային հեռուստաընկերությունը պաշտոնապես հայտնում են, որ դեկտեմբերի 19-ին Փարիզում տարած հաղթանակի շնորհիվ՝ 20-րդ Մանկական Եվրատեսիլ երգի մրցույթը հաջորդ տարի տեղի կունենա Հայաստանում։ 14-ամյա Մալենայի «Քամի քամի» երգը հաղթեց 19-րդ Մանկական Եվրատեսիլ երգի մրցույթում՝ ստանալով 224 միավոր: Գլխավոր մրցանակի համար պայքարում էին 19 երկրի ներկայացուցիչ: Սա Հայաստանի երկրորդ հաղթանակն է մրցույթում։ […]

Հայաստանի ներկայացուցիչ Մալենան  ճանաչվեց «Մանկական Եվրատեսիլ 2021» երգի մրցույթ հաղթող` վաստակելով 224 միավոր։ Հիշեցնենք, որ երգի մրցույթին մասնակցում էր 19 երկիր։ Հայաստանի պատվիրակ Մալենան հիանալի հանդես եկավ «Քամի-քամի» երգով, որն օրեր շարունակ գլխավորել է մրցույթի պաշտոնական կայքի առցանց քվեարկությունը։