Թումանյանի տուն-թանգարանը պետական կառույց է, որ գտնվում է կապիտալ հիմնանորոգման փուլում։ Այս իրավիճակում առաջ են եկել հավելյալ կազմակերպչական ծախսեր և բազմաթիվ կարգավորման ենթակա հարցեր, որոնք հոգալու համար տնօրենին առաջարկվել է վերանայել տարեսկզբին ներկայացված նախահաշիվը՝ ըստ անհրաժեշտության քննարկելով, օրինակ, գործուղումների մեկնելու նպատակահարմարությունը՝ թե ֆինանսական, թե հիմնանորոգման ընթացքում երկարատև բացակայության տեսանկյունից։ Այս մասին «Ֆեյսբուք»-ի իր էջում գրել է ԿԳՄՍ […]

Թուրքիայի արտաքին գործերի նախարարությունը հաստատել է, որ ԱՄՆ պետքարտուղար Անտոնի Բլինկենը կժամանի Անկարա՝ հանդիպելու Թուրքիայի արտգործնախարար Հաքան Ֆիդանի հետ։ «Հանդիպմանը, որը տեղի կունենա երկուշաբթի օրը, ակնկալվում է մտքերի փոխանակում Գազայի հատվածում տիրող իրավիճակի, տարածաշրջանային խնդիրների և երկկողմ հարաբերությունների շուրջ»,- ասված է ԱԳՆ հաղորդագրության մեջ։ Գերատեսչությունում նշել են նաեւ, որ Բլինկենը Անկարա կժամանի նոյեմբերի 5-6-ը։ Ավելի […]

Հանրապետության տարածքում նոյեմբերի 5-9-ն սպասվում է առանց տեղումների եղանակ։  Քամին հյուսիսարևմտյան է՝ 2-4 մ/վրկ արագությամբ, նոյեմբերի 7-ին առանձին վայրերում սպասվում է քամու ուժգնացում 13-16 մ/վրկ արագությամբ:  Երևանում նոյեմբերի 5-9-ն սպասվում է առանց տեղումների եղանակ։

ՀՀ ԱԳՆ-ն ցավակցել է Նեպալի ժողովրդին. «Խորապես վշտացած ենք Նեպալում տեղի ունեցած աղետալի երկրաշարժի լուրից, որը հանգեցրել է մարդկային զոհերի և  տառապանքների։ Մեր աղոթքները Նեպալի ժողովրդի հետ են՝ թոթափելու դժբախտությունը և հաղթահարելու բնական աղետի պատճառած ավերածությունները»:

Թուրքիայի նախագահի նախկին թեկնածու Քեմալ Քըլըչդարօղլուն զիջել է ընդդիմադիր Հանրապետական ժողովրդական կուսակցության նախագահի պաշտոնը: Անկարայում տեղի ունեցած կուսակցական համագումարում քվեարկության ընթացքում ընդդիմադիր ուժի նոր առաջնորդ է ընտրվել Թուրքիայի խորհրդարանի Մանիսա նահանգի պատգամավոր Օզգյուր Օզելը:  Քըլըչդարօղլուն կուսակցության նախագահի պաշտոնը զբաղեցրել է ավելի քան 13 տարի։   Օզելին աջակցում է Ստամբուլի քաղաքապետ Էքրեմ Իմամօղլուն։ 

«Հարավային Կովկասում տնտեսական և տրանսպորտային կապերի ապաշրջափակման եռակողմ աշխատանքային խումբը, որում ընդգրկված են Ռուսաստանի, Ադրբեջանի և Հայաստանի ներկայացուցիչները, պարբերաբար հանդիպումներ է անցկացնում»․ Վերոնայի Եվրասիական տնտեսական համաժողովի շրջանակներում հայտարարել է ՌԴ փոխվարչապետ Ալեքսեյ Օվերչուկը։ «Մենք պարբերաբար շփվում ենք»,- ասել է նա։ Օվերչուկը հայտնել է, որ վերջին անգամ հավաքվել են հունիսի 2-ին։

Գերմանիայի Դաշնային Հանրապետության արտաքին գործերի նախարար Անալենա Բերբոքը ժամանել է ՀՀ ԱԳՆ: Տեղի է ունենում Հայաստանի և Գերմանիայի արտաքին գործերի նախարարների առանձնազրույցը, որին կհաջորդի ընդլայնված կազմով հանդիպումը` երկու պատվիրակությունների մասնակցությամբ. հայտնում են ՀՀ ԱԳՆ-ից։