Երեկ` սեպտեմբերի 28-ին իրականացված որոնողական աշխատանքների արդյունքում Մարտունու շրջանի Մյուրիշեն գյուղի տարածքից հայտնաբերվել է մեկ քաղաքացու դի։ Իսկ Մարտակերտի շրջանի Ճանկաթաղ գյուղի հարակից տարածքից` մեկ զինծառայողի աճյուն։ Հայտնում է ԱՀ ՆԳՆ ԱԻՊԾ-ն։ Նրանց ինքնությունը կհաստատվի դատաբժշկական փորձաքննությունից հետո։

Կանադան ԼՂ տարածաշրջանի հայերի կողքին է։ Այս մասին X-ի իր էջում գրել է երկրի ԱԳ նախարար Մելանի Ժոլին։ «2,5 միլիոն դոլար նախնական ներդրումով Կանադան մարդասիրական օգնություն կտրամադրի առավել խոցելի մարդկանց»,- նշել է նա։ Օտտավան նախատեսված գումարը կփոխանցի ԿԽՄԿ-ին։

ԱՄՆ պետքարտուղարության խոսնակ Մեթյու Միլլերը ճեպազրույցի ժամանակ անդրադարձել է USAID-ի տնօրեն Սամանտա Փաուերի հայտարարությանը՝ Աղետներին աջակցության արձագանքման թիմ տեղակայելու վերաբերյալ։ Միլլերի խոսքով՝ այդ թիմը կգնահատի իրավիճակը և կբացահայտի առաջնահերթ կարիքները՝ ընդլայնելու օգնությունը և համագործակցելու գործընկերների հետ՝ շտապ անհրաժեշտ օգնություն տրամադրելու համար: Նա հրաժարվել է պատասխանել ԼՂՀ լուծարման շուրջ ԱՄՆ դիրքորոշման վերաբերյալ հարցին. «Ընդհանուր առմամբ, մենք […]

Զուտ իրավական տեսանկյունից հարկ եմ համարում արձանագրել, որ Արցախի Հանրապետության նախագահ Սամվել Շահրամանյանի կողմից այսօր հրապարակված հրամանագիրը՝ 2024թ․ հունվարի 1-ից Լեռնայն Ղարաբաղի (Արցախի) Հանրապետության գոյության դադարեցման մասին, չի բխում Արցախի Հանրապետության սահմանադրության 93-րդ հոդվածից, որին և հղում է կատարվել նշված հրամանագրում։ Այս մասին գրում է «Արդար Հայաստան» կուսակցության ղեկավար Նորայր Նորիկյանը։ «Ավելի՛ն, Արցախի Հանրապետության նախագահը […]

Արցախի նախկին ՄԻՊ, նախկին պետնախարար Արտակ Բեգլարյանը ֆեյսբուքի իր էջում գրել է․ «Որևէ նախագահ իրավունք չունի լուծարել ժողովրդի կողմից հանրաքվեով ձևավորված հանրապետությունը։ Հրամանագիրը ստորագրվել է Ադրբեջանի դաժան ագրեսիայի և ուժի կիրառման սպառնալիքի արդյունքում»։

Շուշի-Լաչին ավտոճանապարհին շրջվել է ռուսական խաղաղապահ զորախմբին պատկանող 8 տոննայանոց բենզատարը, հաղորդում է Ադրբեջանի արտակարգ իրավիճակների նախարարությունը։ Ըստ գերատեսչության՝ հրդեհը է բռնկվել, այրվել են հայ բնակիչներին պատկանող «Համեր» և «Մերսեդես» մակնիշի ավտոմեքենաները։ Հրշեջ-փրկարարները մարել են կրակը՝ կանխելով դրա տարածումը։ Տուժածների մասին չի հաղորդվում։ Սեպտեմբերի 25-ին էլ Ստեփանակերտ-Ասկերան ավտոճանապարհի հարակից տարածքում գտնվող բենզինի պահեստում էր պայթյուն […]

«ԼՂ հայության ելքն Ադրբեջանի կողմից իրականացվող էթնիկ զտման քաղաքականության արդյունքում շարունակվում է։ Վերլուծությունը ցույց է տալիս, որ առաջիկա օրերին ԼՂ-ում այլևս հայ չի մնա։ Սա էթնիկ զտման և հայրենազրկման ուղղակի ակտ է, և այն, ինչի մասին մենք երկար ժամանակ ահազանգում էինք միջազգային հանրությանը»,- այս մասին Կառավարության այսօրվա նիստին հայտարարել է Նիկոլ Փաշինյանը։