Աբու Դաբիում փետրվարի 4-ին տեղի կունենա Շեյխ Զայեդ հիմնադրամի «Մարդկային եղբայրության համար» 2026 թվականի մրցանակաբաշխությունը: Արարողությանը ներկա կլինեն Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը:

«Ֆարս» լրատվական գործակալությանը հայտնել է, որ Իրանի Իսլամական Հանրապետության նախագահ Մասուդ Փեզեշքիանը հրամայել է սկսել միջուկային բանակցություններ Միացյալ Նահանգների հետ։ Աղբյուրը նշել է, որ Իրանը և ԱՄՆ-ն բանակցություններ կվարեն բացառապես միջուկային հարցի շրջանակներում։ Իրանը և Միացյալ Նահանգները մինչ օրս անցկացրել են անուղղակի միջուկային բանակցությունների հինգ փուլ։

Մենք պետք է ազատենք փոքր բիզնեսին հարկերից, որպեսզի հնարավորություն տանք զարգանալու։ Մենք բերելու ենք մեծ փոփոխություններ փոքր բիզնեսի համար։ Մասսայական հաջողություններ ենք գրանցելու, տարեկան 2000-3000 նոր ընկերություն է բացվելու Հայաստանում։ Այս մասին ասել է «Մեր ձևով» շարժման համակարգող Նարեկ Կարապետյանը։

ՀՀ վարչապետի խոսնակ Նազելի Բաղդասարյանը սոցցանցի իր էջում գրել է. «Մեդիա դաշտում և սոցիալական ցանցերում տարածվող այն պնդումները, թե իբր ՀՀ վարչապետ Նիկոլ Փաշինյանը հավանություն է տվել ապրիլի 7-ին Երևանում ԼԳԲՏ համայնքի շքերթի անցկացմանը, չեն համապատասխանում իրականությանը։ Շրջանառվող նյութը կրում է օտարերկրյա տեղեկատվական մանիպուլյացիոն միջամտության (FIMI) բնորոշ հատկանիշներ և հանդիսանում է հիբրիդային ազդեցության արշավների բաղադրիչ։ […]

ՀՀ վարչապետ Նիկոլ Փաշինյանը սոցցանցի իր էջում հայտնել է. «#հատիկառհատիկ Դատարանի վճռով՝ Տավուշի մարզի Իջևան համայնքին է վերադարձվել Իջևանի քաղաքային զբոսայգու տարածքում գտնվող՝ Թատերական փողոցի 18/7 հասցեի 350.1 քմ մակերեսով հողամասը: Շուկայականին մոտարկված կադաստրային արժեքը՝ 2 միլիոն 392 հազար դրամ»։

ՆԱՏՕ-ի հինգ երկրների ռազմածովային ուժերը փետրվարի 2-ին Նորվեգիայի արևմտյան ափերի մոտ մեկնարկում են Arctic Dolphin 26 11-օրյա հակասուզանավային վարժանքները, որոնց ընթացքում կկատարելագործվեն արկտիկական պայմաններում սուզանավերի որոնման և ոչնչացման գործողությունները։ Այս մասին հաղորդում է Հյուսիսատլանտյան դաշինքի մամուլի ծառայությունը: Վարժանքներին մասնակցում են դաշինքի անդամ երկրներից սուզանավեր, նավեր, ուղղաթիռներ և հակասուզանավային ինքնաթիռ, ինչպես նաև ՆԱՏՕ-ի Առաջին մշտական ​​ծովային […]

ՀՀ ԱԺ նախագահ Ալեն Սիմոնյանը փետրվարի 2-ին ընդունել է Հայաստանում Իրանի Իսլամական Հանրապետության արտակարգ եւ լիազոր դեսպան Խալիլ Շիրղոլամիին: Խորհրդարանի ղեկավարը շնորհավորել է դեսպանին նշանակման կապակցությամբ եւ հույս հայտնել, որ նրա գործունեությունը կնպաստի երկու երկրների միջեւ հարաբերությունների հետագա ամրապնդմանն ու զարգացմանը: Զրուցակիցներն անդրադարձել են միջխորհրդարանական կապերի զարգացմանը եւ տարածաշրջանային հետաքրքրություն ներկայացնող հարցերին: