Իրանի արտգործնախարար Հոսեյն Աբդոլահյանը ասուլիս է տվել, որտեղ ի թիվս այլ հարցերի անդրադարձել է նաև այսպես կոչված «Զանգեզուրի միջանցքի» խնդրին։ Աբդոլահյանը, մասնավորապես, հայտարարել է. «Իրանը թույլ չի տալիս սահմանափակել կամ փակել Հայաստանը Իրանին կապող իր պատմական ճանապարհն այս տարածաշրջանում»։ 

ԱՄՆ-ն պատժամիջոցներ է սահմանել Վրաստանի նախկին գլխավոր դատախազ Օթար Պարցխալաձեի նկատմամբ։ Associated Press-ը գրել է պատժամիջոցների մասին և Պարցխալաձեին անվանել «վրաց-ռուսական օլիգարխ»։ Ինչպես նշված է ամերիկյան ֆինանսների նախարարության կայքում, Պարցխալաձեն Ռուսաստանի քաղաքացիություն ունի։ ԱՄՆ պետդեպարտամենտը հավելյալ նշում է, որ Պարցխալաձեի դեմ պատժամիջոցները կապված են Վրաստանում ռուսական ազդեցության ուժեղացման հետ։  «Պարցխալաձեն պարբերաբար այցելում է Ռուսաստան, և […]

Իրանի պաշտպանության նախարար, բրիգադային գեներալ Մոհամմադռեզա Աշտիանին, մեկնաբանելով Հայաստանի և Ադրբեջանի միջև լարվածությունը, ասել է. «Տարածաշրջանում պատերազմ չի լինի, իսկ աշխարհաքաղաքական հարցերի վերաբերյալ մեր հանրապետության դիրքորոշումը պարզ է։ Մենք տարածաշրջանում աշխարհաքաղաքական ոչ մի փոփոխություն չենք ընդունելու, և դա բոլորը գիտեն»։

Վլադիվոստոկում ընթացող Արևելյան տնտեսական ֆորումի ժամանակ Ռուսաստանի էներգետիկայի նախարար Նիկոլայ Շուլգինովը РИА Новости-ի հետ հարցազրույցում նշել է, որ դիտարկում են Ադրբեջանի տարածքով Հայաստան, իսկ այդտեղից Իրան և այլ երկրներ էլեկտրաէներգիա մատակարարելու հնարավորությունը։ Նրա խոսքով՝ առաջին փուլում Ռուսաստանը պայմանավորվում է Թեհրանի և Բաքվի հետ՝ օգտագործելու առկա ենթակառուցվածքները՝ առանց նոր շինարարության։ Նախարարը նշել է, որ խոսքը 300 […]

Ադրբեջանի պաշտպանության փոխնախարար, ԶՈւ գլխավոր շտաբի պետ, գեներալ-գնդապետ Քերիմ Վելիևը պաշտոնական այցով մեկնել է Թուրքիա։ Այցի շրջանակում Թուրքիայի զինված ուժերի գլխավոր շտաբի պետ, բանակի գեներալ Մեթին Գուրաքի հրավերով կկայանան մի շարք հանդիպումներ Կ.Վելիևի և Թուրքիայի ռազմական ղեկավարության միջև։ Այցի ընթացքում կքննարկվեն ռազմատեխնիկական, ռազմակրթական և մի շարք այլ ոլորտներում համագործակցության հարցեր։

Վաղը Բաքվում կկայանա ադրբեջանա-իրանական համատեղ ռազմական հանձնաժողովի նիստը։ Նշվել է, որ Իրանի զինված ուժերի գլխավոր շտաբի պատվիրակությունը կայցելի Ադրբեջան՝ մասնակցելու հանդիպմանը, որտեղ կքննարկվեն երկու երկրների միջև ռազմական և պաշտպանական համագործակցության ամրապնդման հարցերը, հայտնում է Tasnim-ը։ Պատվիրակության կազմում է նաև Իրանի պաշտպանության փոխնախարար, բրիգադի գեներալ Մեհդի Ֆարհին։

Գերմանիայի արտաքին գործերի նախարար Անալենա Բերբոքի և Ադրբեջանի արտգործնախարար Ջեյհուն Բայրամովի միջև այսօր հեռախոսազրույց է կայացել։ Զրույցի ընթացքում քննարկվել է տարածաշրջանում ընթացիկ իրավիճակը, ինչպես նաև Ադրբեջանի և Հայաստանի միջև հարաբերությունների կարգավորման գործընթացը։ Բայրամովը իր գործընկերոջը մանրամասն տեղեկացրել է տարածաշրջանում տիրող իրավիճակի մասին՝ նշելով, որ «Հայաստանի կողմից տարածվող լարված հումանիտար իրավիճակի և շրջափակման մասին պնդումներն անհիմն […]