ՌԴ անվտանգության խորհրդի քարտուղար Սերգեյ Շոյգուն ծրագրված աշխատանքային այցով ժամանել է Իրան։ Թեհրանում նա բանակցություններ կվարի ազգային անվտանգության խորհրդի քարտուղար Ալի Աքբար Ահմադիանի և ԶՈւ գլխավոր շտաբի պետ Մոհամմադ Բաղերիի հետ։ Բացի այդ, Շոյգուին կընդունի նորընտիր նախագահ Մասուդ Փեզեշքյանը։

Բանգլադեշի վարչապետ Շեյխ Հասինան ռազմական ուղղաթիռով մեկնել է Հնդկաստան, երբ Բանգլադեշում ցուցարարները, ըստ տեղեկությունների, գրոհել են նրա պաշտոնական նստավայրը: Շաբաթներ տևած բողոքի ցույցերի ընթացքում գրեթե 300 մարդ է զոհվել: 76-ամյա վարչապետ Շեյխ Հասինայի հրաժարականի մասին հաղորդումները հաստատել են բանակը, ինչպես նաև Բանգլադեշի բարձրագույն հանձնախմբի պաշտոնյաները Դելիում:

Թուրքիայի արտգործնախարար Հաքան Ֆիդանը այցով Եգիպտոսում է։ Այս մասին հայտնում է Թուրքիայի ԱԳՆ-ն։ Նշվում է, որ նա հանդիպել է երկրի նախագահ Աբդուլ Ֆաթահ աս Սիսիի հետ։ 

Իրանը դեմ է տարածաշրջանում հակամարտություն հրահրելուն, սակայն իսրայելական կողմը պետք է պատասխան տա իր արածի համար։ Այս մասին լրագրողների հետ զրույցում հայտարարել է Իրանի ԱԳՆ խոսնակ Նասեր Քենանին։ Միաժամանակ նա նշել է, որ իր երկիրը հեռու է Մերձավոր Արևելքում լարվածության սրման մտադրությունից։

Վենեսուելայի նախագահական ընտրություններում ձայների հաշվարկի պաշտոնական արդյունքները, որոնք հրապարակվել են երկրի ընտրական խորհրդի կողմից, չեն կարող հավաստի ճանաչվել․ այսպիսին է Եվրամիության դիրքորոշումը։ Համապատասխան հայտարարությունը ԵՄ արտաքին գործերի գերագույն ներկայացուցիչ Ժոզեպ Բորելի անունից հրապարակվել է Եվրոխորհրդի կայքում։ Հայտարարության մեջ նշվում է, որ միջազգային դիտորդները հստակ մատնանշել են Վենեսուելայում քվեարկության կազմակերպման անհամապատասխանությունները միջազգային չափանիշներին։ Վենեսուելայի ընտրական հանձնաժողովը […]

Իսրայելական լրատվամիջոցներին հայտնի է դարձել օգոստոսի 4-ին վարչապետ Բենիամին Նեթանյահուի և բանակի ու հետախուզական ծառայությունների ղեկավարության հանդիպման բովանդակությունը։ «Ynet» հարթակի տվյալներով՝ քննարկվել է Իրանին կանխարգելիչ հարված հասցնելու հնարավորությունը, եթե նրա կողմից հարձակումն անխուսափելի համարվի։ Ըստ «The Times of Israel»-ի, Իսրայելը չգիտի, թե ինչ սպասել Իրանից և տարածաշրջանում նրա դաշնակիցներից, հետևաբար քննարկում է հնարավոր հարձակմանը արձագանքելու […]

Մի քանի երկիր, այդ թվում՝ Միացյալ Նահանգները, Բրիտանիան և Ֆրանսիան, կոչ են արել իրենց քաղաքացիներին լքել Լիբանանը, քանի որ տարածաշրջանում լարվածության աճը մտավախություն է առաջացնում մերձավորարևելյան նոր պատերազմի՝ Իսրայել-Լիբանան և Իսրայել-Իրան հակամարտության ֆոնին։ ԱՄՆ-ն լրացուցիչ ռազմանավեր է ուղարկում տարածաշրջան։ ՄԹ արտաքին գործերի նախարար Դեյվիդ Լամմինը կոչ է արել իրենց քաղաքացիներին հեռանալ հնարավորինս շուտ։ Տարածաշրջանում իրավիճակը […]