Երևանում դեկտեմբերի 22-ի երեկոյան, 24-ի գիշերը հնարավոր է թույլ ձյուն։ Դեկտեմբերի 23-ին, 25-27-ին սպասվում է առանց տեղումների եղանակ։​Մարզերում դեկտեմբերի 22-ի երեկոյան, 24-ի գիշերը, 27-ի ցերեկն առանձին շրջաններում սպասվում է թույլ ձյուն։ Դեկտեմբերի 23-ին, 24-ի ցերեկը, 25-26-ին սպասվում է առանց տեղումների եղանակ։ Քամին արևմտյան 3-6մ/վ։ Օդի ջերմաստիճանն էապես չի փոխվի։

ՀՀ էկոնոմիկայի նախարար Գևորգ Պապոյանի մոտ դեկտեմբերի 22-ին տեղի է ունեցելընդունելություն, որին մասնակցել է 22 քաղաքացի։ Բարձրաձայնված հարցերը հիմնականում վերաբերել են նախարարության կողմից իրականացվող աջակցության ծրագրերին, ներդրումային նախագծերին և գաղափարներին, կարկտից տուժած գյուղացիական տնտեսությունների խնդիրներին, ներմուծման և արտահանման գործընթացներին, սահմանամերձ բնակավայրերում հացի և հրուշակեղենի արտադրամասերի հիմնմանը, կաթի գնին, սպանդանոցներ հիմնելու ծրագրերին, գործարար միջավայրի բարելավմանն ու […]

Թուրքիայում ուղղաթիռը մխրճվել է հարավային Մուղլա նահանգի հիվանդանոցի շենքի մեջ, հայտնում են տեղական լրատվամիջոցները։ Հարվածից հետո այն ընկել է հիվանդանոցի բակ։ Հնարավոր զոհերի մասին դեռ տեղեկություններ չկան, դեպքի վայրում սկսել են աշխատել շտապօգնության բրիգադները։

ՌԴ նախագահ Վլադիմիր Պուտինն անդրադարձել է ԱՄՆ-ի հետ հարաբերությունների կարգավորման հնարավորությանը։ Նա նշել է, որ ԱՄՆ-ի հետ հարաբերությունները հնարավոր է կարգավորել ցանկության դեպքում․ «Ռուսաստանը երբեք չի կորցրել նման ցանկությունը։ Ռուսաստանը պատրաստ է հարաբերություններ կառուցել այլ երկրների հետ, բայց ոչ ի վնաս ՌԴ-ին։ Պետք է հարաբերություններ կառուցել՝ հաշվի առնելով մեր պետական շահերը»,- հայտարարել է նա։

Համաձայն ՀՀ առողջապահության նախարարության «Հիվանդությունների վերահսկման և կանխարգելման ազգային կենտրոն» ՊՈԱԿ-ից ստացված տեղեկատվության՝ դեկտեմբերի 21-ի երեկոյան Վանաձոր քաղաքի բժշկական կենտրոն է ընդունվել 10 քաղաքացի՝ սննդային թունավորում նախնական ախտորոշմամբ։ Ստացված ահազանգին արագ արձագանքել են ՀՀ սննդամթերքի անվտանգության տեսչական մարմնի Լոռու մարզային կենտրոնի տեսուչները: Անմիջապես սկսված վերահսկողական միջոցառումներով պարզվել է, որ տուժած քաղաքացիները սնվել են Վանաձորի կենտրոնական […]

ՀՀ նախագահ Վահագն Խաչատուրյանը X-ի իր էջում ցավակցել է Մագդեբուրգում տեղի ունեցած ողբերգության կապակցությամբ։ «Խորը վշտացած եմ Մագդեբուրգի Սուրբ Ծննդյան շուկայում տեղի ունեցած ողբերգական իրադարձություններից։ Մեր անկեղծ ցավակցություններն ենք հայտնում զոհերի ընտանիքներին և բոլոր նրանց, ովքեր տուժել են այս սարսափելի արարքից»։

Թուրքիան Սիրիայի հարցով այլ երկրների հետ որևէ գործարքի մեջ չի մտել, և Ռուսաստանի նախագահ Վլադիմիր Պուտինը հանդես է եկել որպես լավ ռազմավար, երբ շփվել է Սիրիայի Արաբական Հանրապետությունում տիրող իրավիճակի հետ, ասել է Թուրքիայի արտգործնախարար Հաքան Ֆիդանը։ «Ես դա «գործարք» չէի անվանի»,-պատասխանել է Ֆիդանը ֆրանսիական հեռուստատեսության այն հարցին, թե արագ իրադարձությունները և սիրիական բանակի նահանջը […]